రజినీకాంత్ "జైలర్" పై లేటెస్ట్ అప్డేట్
cinema | Suryaa Desk | Published : Wed, Jul 13, 2022, 03:31 PM
కోలీవుడ్ సూపర్ స్టార్ రజినీకాంత్, బీస్ట్ చిత్రదర్శకుడు నెల్సన్ దిలీప్ కుమార్ కలిసి ఒక సినిమా చేస్తున్న విషయం తెలిసిందే. ఈ ప్రాజెక్టును అధికారికంగా ఇటీవలే ప్రకటించారు కూడా. తాజాగా ఈ మూవీకి "జైలర్"అనే పవర్ఫుల్ టైటిల్ ను ఫిక్స్ చేసారు. ప్రస్తుతం ప్రీ ప్రొడక్షన్ పనులు జరుగుతున్నాయి. ఈ చిత్రంలో శాండల్ వుడ్ పవర్ స్టార్ పునీత్ రాజ్ కుమార్ అన్నయ్య శివరాజ్ కుమార్ కీలక పాత్రను పోషిస్తున్నారు. కెరీర్ పరంగా రజినీకిది 169వ సినిమా.
లేటెస్ట్ అప్డేట్ ప్రకారం, ఈ మూవీ ప్రీ ప్రొడక్షన్ పనుల్లో భాగంగా హైదరాబాద్ లో భారీ సెట్స్ ను నిర్మిస్తున్నారట. ఇందులోనే రజినీ అండ్ టీం పై కీలక సన్నివేశాలను చిత్రీకరించనున్నారు. ఈ పనులను దగ్గరుండి చూసుకోవడానికి మేకర్స్ త్వరలోనే హైదరాబాద్ రాబోతున్నారు. ఇకపోతే, ఈ సినిమాకు అనిరుధ్ రవిచంద్రన్ సంగీతం అందిస్తున్నారు. సన్ పిక్చర్స్ బ్యానర్ పై కళానిధి మారన్ ఈ సినిమాను నిర్మిస్తుండగా, ఆగస్టు నెల నుండి సెట్స్ పైకి వెళ్లబోతుంది.
|
|