ప్రభాస్ ‘సలార్’ నుంచి ఇంట్రెస్టింగ్ అప్ డేట్ !
cinema | Suryaa Desk | Published : Mon, Jul 18, 2022, 10:03 AM
నేషనల్ స్టార్ ప్రభాస్ ప్రస్తుతం చేస్తున్న భారీ క్రేజ్ ప్రాజెక్ట్స్ లో ‘సలార్’ ఒకటి. అయితే, ఈ సినిమాలో ప్రభాస్ పార్ట్ కి సంబంధించిన షూట్ పూర్తి కానుంది. త్వరలో జరగబోయే షెడ్యూల్ తో ఈ సినిమా టాకీ పార్ట్ ఫినిష్ అవుతుందని తెలుస్తోంది. రానున్న ఈ షెడ్యూల్ లో ఓ లోయలో జరిగే భారీ యాక్షన్ సీక్వెన్స్ ను ప్లాన్ చేస్తున్నారు. అండర్ గ్రౌండ్ విజువల్స్ తో ఈ యాక్షన్ సీన్స్ సినిమాలోనే మెయిన్ హైలైట్ గా ఉంటాయని తెలుస్తోంది.అలాగే, రానున్న షెడ్యూల్ లో ప్రభాస్ ఛేజింగ్ సీన్స్ ను కూడా షూట్ చేయనున్నారు. కేజీఎఫ్ లాంటి హై వోల్టేజ్ మూవీ సిరీస్ తీసిన ‘ప్ర‌శాంత్ నీల్’ దర్శకత్వంలో రాబోతున్న సినిమా ఇది. అందుకే ఈ పాన్ ఇండియా సినిమా పై అంచనాలు రోజురోజుకు రెట్టింపు అవుతున్నాయి. అయితే ఆ అంచనాలను అందుకోవడానికి మేకర్స్ కూడా భారీగా కసరత్తులు చేస్తున్నారు.
హాలీవుడ్ స్థాయిలో ఈ సినిమాలోని యాక్షన్ సీక్వెన్స్ ను తెరకెక్కిస్తున్నారు. కాగా ఈ సినిమాలో హీరోయిన్ గా శృతి హాసన్ నటిస్తోంది. ఆమెది ట్రాజెడీ క్యారెక్టర్ అని.. ప్రభాస్ – శృతి హాసన్ మధ్య ట్రాక్ కూడా వెరీ ఎమోషనల్ గా ఉంటుందని తెలుస్తోంది.
|
|