దేశం మెచ్చిన సినిమా బుల్లితెర ప్రీమియర్ షో... ఎప్పుడంటే?
cinema | Suryaa Desk | Published : Tue, Jul 19, 2022, 04:47 PM
దేశప్రజల దృష్టిని ఒక్కసారిగా తనవైపుకు తిప్పుకున్న సినిమా 'ది కాశ్మీర్ ఫైల్స్'. తొంభైలలో కాశ్మీర్ పండిట్లు ఎదుర్కొన్న అవమానాలు, వారిపై జరిగిన అకృత్యాలు, వారి ఊచకోత నేపథ్యంగా దర్శకుడు వివేక్ అగ్నిహోత్రి ఈ సినిమాను తెరకెక్కించారు. దేశప్రజలకు తెలియని కాశ్మీర్ అంతర్గత విషయాలను ఈ సినిమాతో బహిర్గతం చేశారు వివేక్. దేశ ప్రధాని నరేంద్రమోడీ మెప్పును సైతం ఈ మూవీ పొందడం విశేషం. ఈ సినిమాకు ప్రశంసలు ఎంతలా వచ్చాయో విమర్శలు, నిరసనలు కూడా అదేవిధంగా వెల్లువెత్తాయి. అయితే ఇలాంటివన్నీ ఏమీ పట్టించుకోని ప్రేక్షకులు ఈ సినిమాను ఎంతగానో ఆదరించారు. బాలీవుడ్లో దాదాపు 250కోట్ల భారీ కలెక్షన్లతో అక్కడి రికార్డులను తిరగరాసింది.
ధియేటర్ల గోడలను బద్దలు చేసిన ఈ మూవీ బుల్లితెరపై సందడి చేయటానికి రెడీ అయింది. మరో నాలుగు రోజుల్లో అంటే జూలై 24వ తేదీన కాశ్మీర్ ఫైల్స్ సినిమా ప్రముఖ జీ 5 ఛానెల్ లో, సాయంత్రం ఆరు గంటలకు ప్రసారం కానుంది. ఈ సినిమా కోసం ఎంతగానో ఎదురుచూస్తున్న సినీ ప్రేక్షకులకు ఇదొక శుభవార్త లాంటిది.
|
|