ట్రెండింగ్
సూథింగ్ మ్యూజిక్ తో ఆకట్టుకుంటున్న "బింబిసార" థర్డ్ సింగిల్
cinema | Suryaa Desk | Published : Mon, Aug 01, 2022, 05:22 PM
నందమూరి కళ్యాణ్ రామ్ కొత్త చిత్రం "బింబిసార" పాటలు ఒక్కొక్కటిగా విడుదలవుతూ, చార్ట్ బస్టర్ గా నిలుస్తున్నాయి. తొలి లిరికల్ సాంగ్ "ఈశ్వరుడే", సెకండ్ లిరికల్ సాంగ్ "ఓ తేనె పలుకుల" ఎంత పెద్ద హిట్టయ్యాయో అందరికి తెలిసిందే.
లేటెస్ట్ గా థర్డ్ సింగిల్ "నీతో ఉంటె చాలు" రిలీజయ్యింది. బింబిసార ప్రీ రిలీజ్ ఈవెంట్ లో విన్నప్పటి నుండి ఈ పాటను ఎప్పుడెప్పుడు విడుదల చేస్తారా అని ప్రేక్షకులు ఎదురుచూస్తున్నారు. సూథింగ్ మ్యూజిక్, అమేజింగ్ లిరిక్స్, కళ్యాణ్ రామ్ రాయల్ ప్రెజెన్స్ ఈ పాటకు ప్రధాన ఆకర్షణగా నిలుస్తున్నాయి. ఈ పాటకు సంగీతసాహిత్యాలను కీరవాణి అందించగా, మోహన భోగరాజు, శాండిల్య పీసపాటి కలిసి ఆలపించారు. వశిష్ట డైరెక్షన్లో సోసియో ఫాంటసీ మూవీగా రూపొందిన ఈ చిత్రం ఆగస్టు 5న విడుదల కాబోతుంది.
|
|