సిద్ధ్ శ్రీరామ్ 'ఉచ్చారణ'... భాషా పండితుడి 'సవరణ'
cinema | Suryaa Desk | Published : Thu, Aug 25, 2022, 01:32 PM
సౌత్ ఫిలిం ఇండస్ట్రీలో టాప్ నెంబర్ వన్ పొజిషన్ లో దూసుకుపోతున్న సింగర్ సిద్ధ్ శ్రీరామ్. AR రెహ్మాన్ మ్యూజిక్ డైరెక్షన్లో వచ్చిన కడలి (2013) సినిమాతో గ్రాండ్ ఎంట్రీ ఇచ్చాడు. తదుపరి మళ్ళీ ఆయన డైరెక్షన్లోనే "ఐ" సినిమాలో "నువ్వుంటే నా జతగా" అనే పాట పాడగా. ఈ పాటతోనే సిద్ధ్ శ్రీరామ్ కు చాలా మంచి గుర్తింపు వచ్చింది. ఇక ఆ తరవాత నుండి సౌత్ ఫిలిం ఇండస్ట్రీలో వరస ఆఫర్లను చేజిక్కించుకుంటూ టాప్ సింగర్ గా స్టార్ హోదా అనుభవిస్తున్నారు.
సిద్ధ్ శ్రీరామ్ వాయిస్ చాలా బాగుంటుంది, చాలా ట్యాలెంటెడ్, మంచి క్లాసికల్ సింగర్ ...ఇవన్నీ నిజమే కానీ, తెలుగు పాటలకొచ్చేసరికి కొన్ని పదాలను సరిగా ఉచ్చరించరనే అపవాదు ఆయనపై ఉంది. ఈ విషయంపై ఇప్పటివరకు ఏ టాలీవుడ్ మ్యూజిక్ డైరెక్టర్ కానీ, లిరిసిస్ట్ కానీ ఓపెన్ అవ్వలేదు.
లేటెస్ట్ గా సిద్ధ్ శ్రీరామ్ పదోచ్చారణపై ఒక భాషా పండితుడు వివరణనిస్తున్న వీడియో సోషల్ మీడియాలో హల్చల్ చేస్తుంది. అన్ని కాదు కానీ కొన్ని పదాలు సిద్ధ్ శ్రీరామ్ సరిగా పలకరని, వాటిని కంపోజర్లుగానీ, గేయ రచయితలు కానీ ఆయనకు ఇంగ్లిష్ లో రాసి ఇవ్వాలని సూచించారు. అలానే గేయ రచయితలు ఉంటే, కంటే, మంటే, పంటి, దాచేసుకుందాం, దోచేసుకుందాం వంటి సున్నా వచ్చే పదాలను సిద్ధ్ శ్రీరామ్ పాటలకు రాయొద్దని సెటైరికల్ గా చెప్పారు. ప్రస్తుతం ఈ వీడియో సోషల్ మీడియాలో వీరవిహారం చేస్తుంది.
|
|