పవన్ పై కాలుదువ్వుతున్న ఫ్రెంచ్ డైరెక్టర్ ..!
cinema | Suryaa Desk | Published : Tue, Aug 30, 2022, 08:19 PM
పవన్ కళ్యాణ్ పుట్టినరోజు సందర్భంగా, సెప్టెంబర్ రెండవ తేదీన ప్రపంచవ్యాప్తంగా 'జల్సా' స్పెషల్ షోస్ ప్రదర్శింపబడనున్నాయి. ఈ స్పెషల్ షోస్ ను పవన్ కళ్యాణ్ ఫ్యాన్స్ పెద్ద ఎత్తున నిర్వహిస్తున్నారు.
లేటెస్ట్ గా పవన్ కళ్యాణ్ ను హేళన చేస్తూ ఒక ఫ్రెంచ్ డైరెక్టర్ చేసిన ట్వీట్ సోషల్ మీడియా మాధ్యమాలలో వైరల్ గా మారింది. ఆయన యేమని ట్వీట్ చేసారంటే, ఫ్రాన్స్ లో నిర్వహింపబడుతున్న జల్సా స్పెషల్ షోకు నేనేమన్నా గిఫ్ట్ తీసుకురానా? ఉదాహరణకు స్క్రిప్ట్ లాంటిది... అని రాసుకొచ్చారు. ఈ ట్వీట్ కు పవన్ కళ్యాణ్ ను ట్యాగ్ చెయ్యడం, ఆయన బర్త్ డే విషెస్ హ్యాష్ ట్యాగ్ ను యూజ్ చెయ్యడం విశేషం.
ఇంతకూ ఒక ఫ్రెంచ్ డైరెక్టర్ పవన్ ని అనాల్సిన అవసరమేముంది అనుకుంటున్నారా? పవన్ కళ్యాణ్ - త్రివిక్రమ్ కాంబోలో వచ్చిన అజ్ఞాతవాసి ఫ్రెంచ్ మూవీ 'లార్గో వించ్' కి మక్కీకి మక్కీ దింపినట్లుందని అప్పట్లో ప్రచారం జరిగింది. ఆ మూవీ ఒరిజినల్ డైరెక్టర్ జెరోమ్ సాల్లే. ఆ సమయంలో ఆయన నుండి అజ్ఞాతవాసి సినిమాకు తీవ్ర వ్యతిరేకత వచ్చింది. ఆయనే ఇప్పుడు పవన్ పై వైరల్ ట్వీట్ చేసింది. రెండేళ్ల క్రితం విషయం గుర్తుంచుకుని, ఇప్పుడు ట్వీట్ చెయ్యడం, అలానే తనకు ఏమాత్రం సంబంధం లేని సినిమాకు సంబంధించి ట్రోల్ చెయ్యడంతో పవన్ ఫ్యాన్స్ జెరోమీపై మండిపడుతున్నారు.
|
|