ఏ సినిమా చెయ్యాలో తెలియటలేదా....?
cinema | Suryaa Desk | Published : Fri, Sep 02, 2022, 04:04 PM
హీరో నితిన్‘ మాచర్ల నియోజకవర్గం’ చిత్రం తర్వాత వంశీ దర్శకత్వంలో ‘జూనియర్’ అనే సినిమాను మొదలపెట్టాలి నితిన్. అది కూడా శ్రేష్ఠ్ మూవీస్ బ్యానర్ పైనే ఆ మధ్య గ్రాండ్గా లాంఛ్ అయిన ఈ సినిమాకు సంబంధించి మరో అప్డేట్ ఇంతవరకూ రాలేదు. ముందుగా ప్లాన్ చేసుకొన్న ప్రకారం అక్టోబర్లోనే ఈ సినిమాను పట్టాలెక్కించాలి. . ఈ సినిమాను ఎప్పుడు ప్రారంభించాలి అనే విషయంలో ఇంకా కన్ఫ్యూజన్ కొనసాగుతోంది. సాగర్ చంద్ర సైతం నితిన్కు ఓ కథ చెప్పాడు. అది నితిన్ కు బాగా నచ్చింది. అలాగే అశ్వథ్ధామ దర్శకుడు రమణతేజ కూడా ఓ కథ చెప్పినట్టు తెలుస్తోంది. వీరు కాకుండా నితిన్ కు మరికొందరు కథలు చెప్పారట. వీటిలో ఏది మొదలు పెట్టాలనే విషయంలో నితిన్ ఎటూ తేల్చుకోలేకున్నాడట. ఒక సినిమా ఫ్లాప్ అయిన తర్వాత సొంత బ్యానర్ లో మరో సినిమా చేయాలంటే.. కొంత సమయం పడుతుంది. అందుకే వక్కంతం వంశీ సినిమాను వెనక్కు జరిపి.. బైటి బ్యానర్ లో ఒక సేఫ్ ప్రాజెక్ట్ చేయాలని భావిస్తున్నాడట నితిన్. అదే జరిగితే వక్కంతం సినిమా ఈ ఏడాది లేనట్టే. ముందు సాగర్ చంద్ర దర్శకత్వంలోని సినిమాను పట్టాలెక్కించి ఆ తర్వాత వక్కంతం సినిమా చేయబోతున్నాడట నితిన్. మరి ఈ వార్తల్లోని నిజానిజాలేంటో చూడాలి.
|
|