మెగాస్టార్ నమ్మకాన్ని సత్యదేవ్ నిలబెట్టుకుంటాడా...??
cinema | Suryaa Desk | Published : Tue, Sep 27, 2022, 11:33 AM
టాలీవుడ్ ట్యాలెంటెడ్ యాక్టర్ సత్యదేవ్ అటు హీరోగానూ, ఇటు సపోర్టింగ్ రోల్స్ లోనూ అదరగొడుతున్నాడు. మెగాస్టార్ ఆచార్య లో చిన్న పాత్రలో మెరిసిన సత్యదేవ్ లేటెస్ట్ గా విడుదల కాబోతున్న "గాడ్ ఫాదర్" లోనూ కనిపించబోతున్నాడు. ఐతే ఈసారి అలా కనబడి ఇలా వెళ్లిపోయే పాత్రలో కాదు... సినిమాలో కీలకమైన పాత్రధారిగా, గాడ్ ఫాదర్ కు ధీటైన ప్రతినాయకుడిగా సత్యదేవ్ నటిస్తున్నారు.
ఇటీవల జరిగిన ఒక ఇంటర్వ్యూలో మెగాస్టార్ సత్యదేవ్ గురించి మాట్లాడుతూ... గాడ్ ఫాదర్ విలన్ కోసం తానే ఏరికోరి మరీ సత్యదేవ్ ను ఎంచుకున్నట్టు తెలిపారు. ఆయన నటనలోని ఇంటెన్సిటీ, వాయిస్ లోని గాంభీర్యం, డైలాగ్ డిక్షన్, తనను తాను స్క్రీన్ పై ప్రెజెంట్ చేసుకునే విధానం... మెగాస్టార్ కు చాలా బాగా నచ్చాయంట. విలన్ రోల్ ను సత్యదేవ్ చేస్తే, ఆపాత్ర మరింత హుందాగా, గొప్పగా, ఇంటెన్సిటీగా ఉంటుందని, సినిమాతో పాటు సత్యదేవ్ కెరీర్ కు కూడా ఆ పాత్ర మంచి చేస్తుందని మెగాస్టార్ సెలవిచ్చారు. అలానే తన నమ్మకాన్ని సత్యదేవ్ తప్పకుండా నిలబెట్టుకుంటాడని, ఆ నమ్మకం తనకుందని కూడా చిరు చెప్పారు. మరి, చూడాలి అక్టోబర్ ఐదవ తేదీన తెలుగు, హిందీ, మలయాళ భాషల్లో విడుదల కాబోతున్న ఈ మూవీ ప్రేక్షకులను ఏ మేరకు మెప్పిస్తుందో..??
ఇందుకు సత్యదేవ్ ట్విట్టర్ ద్వారా స్పందించారు. "ఒక అభిమానిగా నేను మీకు ప్రేమని మాత్రమే ఇవ్వగలిగాను.. మీరు నాకు జీవితంలో గుర్తుండిపోయే మైలురాయిని ఇచ్చారు. థాంక్యూ" అంటూ మెగాస్టర్ కు కృతజ్ఞతలు తెలిపారు.
|
|