బాలకృష్ణ "NBK 107" పై లేటెస్ట్ అప్డేట్
cinema | Suryaa Desk | Published : Sat, Oct 08, 2022, 04:55 PM
ప్రస్తుతం నటసింహం నందమూరి బాలకృష్ణ కెరీర్ లో 107వ సినిమాలో నటిస్తున్నారు. ఈ సినిమాకు గోపీచంద్ మలినేని డైరెక్టర్. మైత్రి మూవీ మేకర్స్ నిర్మిస్తున్న ఈ చిత్రంలో శృతి హాసన్ హీరోయిన్ గా నటిస్తుంది.
ఇటీవలే NBK 107 చిత్రబృందం 40 రోజుల కీలక షెడ్యూల్ ను టర్కీ లో జరుపుకుని ఇండియాకు తిరిగొచ్చింది. ఐతే, ఈ మూవీపై వినిపిస్తున్న లేటెస్ట్ బజ్ ప్రకారం, అక్టోబర్ నెలాఖరుకి పూర్తి కావలసిన ఈ మూవీ షూటింగ్ తాజాగా నవంబర్ లో పూర్తి అవుతుందని తెలుస్తుంది. ఎందుకంటే, కొన్ని ఎపిసోడ్లు డైరెక్టర్ అనుకున్నట్టు రాకపోవడంతో, మూవీ టీం రీ షూట్ ప్లాన్ చేసిందట. మరి, ఇదేమన్నా NBK 107 విడుదలను ప్రభావపరుస్తుందా అన్నది తెలియాల్సి ఉంది.
వరలక్ష్మి శరత్ కుమార్, దునియా విజయ్ కీలకపాత్రలు పోషిస్తున్న ఈ చిత్రానికి తమన్ సంగీతం అందిస్తున్నారు. ఈ ఏడాది డిసెంబర్ 23న ఈ సినిమా విడుదల కాబోతుందని టాక్.
|
|