సస్పెన్స్ థ్రిల్లర్గా అడివి శేష్ 'హిట్ 2' టీజర్
cinema | Suryaa Desk | Published : Thu, Nov 03, 2022, 05:04 PM
'హిట్' మూవీతో ఘనవిజయం సాధించిన యువ దర్శకుడు శైలేష్ కోనేరు, 2021లో దాని సీక్వెల్ను ప్రకటించిన సంగతి అందరికి తెలిసిందే. టాలీవుడ్ నేచురల్ స్టార్ నాని సమర్పిస్తున్న 'హిట్2' లో అడివి శేష్ కథానాయకుడిగా నటిస్తున్నారు. ఈ సినిమాలో అడివి శేష్ సరసన మీనాక్షి చౌదరి జంటగా నటిస్తుంది. క్రైమ్ ఇన్వెస్టిగేషన్ థ్రిల్లర్ ట్రాక్ లో రానున్న ఈ సినిమా డిసెంబర్ 2, 2022న విడుదల కానుంది.
తాజాగా మూవీ మేకర్స్ ఈ సినిమా టీజర్ ను ఈరోజు విడుదల చేసారు. టీజర్ అందరిని ఆకట్టుకుంటూ ఇంట్రెస్టింగ్ గా కనిపిస్తోంది. అడివి శేష్ ఈ సినిమాలో కూల్ మరియు కాన్ఫిడెంట్ పోలీస్ గా కనిపించనున్నాడు. రావు రమేష్, భాను చందర్, పోసాని కృష్ణ మురళి, తనికెళ్ల భరణి శ్రీనాథ్ మాగంటి, కోమలి ప్రసాద్ తదితరులు ఈ సినిమాలో కీలక పాత్రలో కనిపించనున్నారు. ఈ చిత్రాన్ని ప్రశాంతి తిపిర్నేని నిర్మించారు. జాన్ స్టీవర్ట్ ఎడూరి హిట్ 2 కి సంగీతం అందించారు.
|
|