అన్ స్టాపబుల్ : పవన్, త్రివిక్రంలతో పాటు మరొక సెలెబ్రిటీ కూడా..!!
cinema | Suryaa Desk | Published : Fri, Dec 16, 2022, 05:49 PM
నటసింహం నందమూరి బాలకృష్ణ గారి డిజిటల్ టాక్ షో అన్ స్టాపబుల్ టాక్ షోకి ఆడియన్స్ నుండి వస్తున్న రెస్పాన్స్... వేరే లెవెల్. సీజన్ వన్ కన్నా సీజన్ 2 ను మరింత రసవత్తరంగా హోస్ట్ చేస్తున్న బాలయ్య కి మరింత మంది ఆడియన్స్ ఫ్యాన్స్ గా మారిపోతున్నారు. ఫస్ట్ టైం ఈ షోకు పాన్ ఇండియా సూపర్ స్టార్ ప్రభాస్ ను తీసుకొచ్చి, ప్రేక్షకాభిమానులను ఉర్రూతలూగించిన ఆహా సంస్థ నెక్స్ట్ ఎపిసోడ్ కు గానూ పవర్ స్టార్ పవన్ కళ్యాణ్ గారిని తీసుకురాబోతున్నట్టు చూచాయగా తెలిపింది. విశేషమేంటంటే, ప్రభాస్, గోపిచంద్ల ఎపిసోడ్ ఇంకా స్ట్రీమింగ్ కి కూడా రాకముందే నెక్స్ట్ పాల్గొనబోయే బిగ్ స్టార్ పై ఆహా సంస్థ అప్డేట్ ఇవ్వడం.
అన్ స్టాపబుల్ షోకి పవన్ రాక ఇక ఆల్మోస్ట్ కంఫర్మ్ అయ్యిందని తెలుస్తోంది. ఈ నేపథ్యంలో పవన్ కళ్యాణ్ తో పాటుగా ఇద్దరు స్టార్ డైరెక్టర్లు కూడా షోకు విచ్చేసి, బాలయ్య తో చిట్ చాట్ చెయ్యబోతున్నట్టు టాక్ నడుస్తుంది. మరి, వారిలో ఒకరు, మాటల మాంత్రికుడు త్రివిక్రమ్ అని క్లారిటీ వస్తుండగా, మరొకరు పవన్ ను తొలిసారి గ్రాండ్ గా పాన్ ఇండియా బరిలోకి దింపబోతున్న డైరెక్టర్ క్రిష్ జాగర్లమూడి. మరైతే, ఈ విషయాలపై ఆహా సంస్థ నుండి అఫీషియల్ క్లారిటీ రావలసి ఉంది.
|
|