చలపతిరావు మృతిపట్ల మెగాస్టార్ స్పందన..!!
cinema | Suryaa Desk | Published : Sun, Dec 25, 2022, 11:36 AM
టాలీవుడ్ సీనియర్ నటులు చలపతి రావు గారు ఈ రోజు ఉదయం కార్డియాక్ అరెస్ట్ తో హఠాన్మరణం చెందారు. నిన్నే మరో సీనియర్ నటులు శ్రీ కైకాల సత్యనారాయణగారి అంత్యక్రియలు అలా ముగిశాయో లేదో... ఈ రోజు ఉదయాన్నే చలపతి రావు గారి మృతి వార్త తెలుగు ప్రేక్షకులను తీవ్ర విషాదంలోకి నెట్టివేస్తుంది. ఈ నేపథ్యంలో పలువురు సినీప్రముఖులు చలపతి రావు మృతికి సోషల్ మీడియా వేదికగా సంతాపం వ్యక్తం చేస్తున్నారు.
మెగాస్టార్ చిరంజీవి గారు చలపతి రావు మృతిపట్ల తీవ్ర విషాదాన్ని వ్యక్తం చేస్తూ ట్వీట్ చేసారు. విలక్షణ నటుడు,తనదైన శైలి తో తెలుగు ప్రేక్షకుల అభిమానాన్ని చూరగొన్న శ్రీ చలపతి రావు గారి అకాల మరణ వార్త నన్ను కలచివేసింది.ఎన్నో చిత్రాల్లో ఆయన తో నేను కలిసి నటించడం జరిగింది. ఆయన ఆత్మకు శాంతి చేకూరాలని కోరుకుంటూ, రవి బాబు కి, ఆయన కుటుంబ సభ్యులందరికీ నా ప్రగాఢ సానుభూతి...అంటూ మెగాస్టార్ చిరంజీవి గారు ట్వీట్ చేసారు.
|
|