హ్యాపీ బర్త్డే స్నేహా: అల్లు అర్జున్
cinema | Suryaa Desk | Published : Fri, Sep 29, 2017, 09:58 AM
హైదరాబాద్: ‘స్టైలిష్ స్టార్’ అల్లు అర్జున్ సతీమణి స్నేహా రెడ్డి ఈరోజు పుట్టినరోజు జరుపుకొంటున్నారు. ఈ సందర్భంగా అర్జున్.. స్నేహాకు సోషల్మీడియా వేదికగా పుట్టినరోజు శుభాకాంక్షలు చెప్పారు. ‘హ్యాపీ బర్త్డే స్నేహా. ఐ మిస్ యూ క్యూటీ’ అని ట్వీట్ చేస్తూ ఫొటో పోస్ట్ చేశారు.
ప్రస్తుతం బన్ని ‘నా పేరు సూర్య నా ఇల్లు ఇండియా’ సినిమాలో నటిస్తున్నారు. ఈ సినిమా కోసం ఆయన ఇటీవల అమెరికా వెళ్లారు. దాంతో స్నేహా పుట్టినరోజుకు తాను ఇక్కడ లేకపోతున్నందుకు తనని మిస్ అవుతున్నట్లు పేర్కొన్నారు. 2011 మార్చి 6న అర్జున్, స్నేహాలు ప్రేమ వివాహం చేసుకున్నారు. వీరిద్దరికీ అయాన్, అర్హ ఇద్దరు పిల్లలు.
అర్జున్ ప్రస్తుతం నటిస్తున్న సినిమాకి వక్కంతం వంశీ దర్శకత్వం వహిస్తున్నారు. ఇందులో బన్నీకి జోడీగా అను ఇమ్మాన్యుయేల్ నటిస్తోంది. ప్రముఖ నటుడు అర్జున్, శరత్కుమార్ కీలక పాత్రల్లో నటిస్తున్నారు. 2018 ఏప్రిల్ 27న ఈ చిత్రం ప్రేక్షకుల ముందుకు రానుంది.
|
|