టాలీవుడ్ యంగ్ హీరో ట్రోలింగ్ కి గురవుతున్నాడు
cinema | Suryaa Desk | Published : Mon, Jan 21, 2019, 01:13 PM
టెన్ ఇయర్స్ ఛాలెంజ్ అంటూ ప్రస్తుతం సోషల్ మీడియాలో సెలబ్రిటీలు హల్చల్ చేస్తున్నారు. పదేళ్లలో ఎవరు అసలు ఏజ్ పెరిగినట్టుగా లేరు, ఎవరు ఇంకా అంతే ఫిట్గా వున్నారు అనేది ఈ ఛాలెంజ్ ఉద్దేశం. పీలగా, బక్కపలచగా వుండే నిఖిల్ ఇప్పుడు కండ పట్టి ఆరు పలకల దేహంతో మ్యాన్లీగా వున్నాడు.
సింపుల్గా టెన్ ఇయర్స్ ఛాలెంజ్ అంటూ అప్పటి ఫోటోని, ఇప్పటి లుక్ని పెట్టినట్టయితే నిఖిల్కి కాంప్లిమెంట్స్ బాగా వచ్చేవి. అయితే కాస్త క్రియేటివిటీ చూపించి, అప్పట్లో క్లీవేజీ చూపించాలంటే ఆలోచించేవాడిని, ఇప్పుడు ఇదిగో చూడండి అని చూపించేస్తున్నానని జోక్ చేసాడు. అయితే అబ్బాయి క్లీవేజీ చూపించడం ఏమిటని నెటిజన్లు ట్రోల్ చేస్తున్నారు. పైగా నిఖిల్ పోస్ట్ చేసిన ఫోటో కూడా సెక్సీ నటీమణులు ఇన్స్టాగ్రామ్లో పోస్ట్ చేసే క్లీవేజీ ఫోటోల్లానే వుంది.
ఆ సంగతి ప్రస్తావించకపోతే నిఖిల్ బాడీ మీదకే అందరి దృష్టి వెళ్లేది. కానీ కాస్త చాతుర్యం చూపించడంతో ట్రోలింగ్కి గురవుతున్నాడు.ఇదిలావుంటే చాలా కాలం వాయిదా పడుతోన్న నిఖిల్ 'ముద్ర' వచ్చే నెలలో విడుదలకి సిద్ధమవుతోంది. ఈ చిత్రంలో నిఖిల్ జర్నలిస్టుగా కనిపిస్తాడు.
|
|