బాలీవుడ్ స్టార్ హీరోయిన్ డూపు మనవైపు వస్తుంది
cinema | Suryaa Desk | Published : Mon, Jan 21, 2019, 12:58 PM
టాలీవుడ్ పై ఈ మధ్య బాలీవుడ్ భామల చూపు ఎక్కువగా మళ్లుతోంది. అక్కడ ఆఫర్స్ ఉన్నా లేకున్నా సౌత్ లో కూడా సినిమాలు చేస్తే పనితో పాటు పారితోషికం కూడా దండిగా దొరుకుతుంది అనుకుంటున్నారో ఏమో గాని ఇప్పుడు గతంలో లాగా టాలీవుడ్ ఆఫర్స్ వస్తే టక్కున నో చెప్పే భామలు తగ్గిపోయారు. కథ నచ్చకుంటే ఆలోచిస్తున్నారు గాని కుదరదని మాత్రం చెప్పడం లేదు.
అసలు మ్యాటర్ లోకి వస్తే సల్మాన్ పరిచయం చేసిన బ్యూటీ జరీనా ఖాన్ రీసెంట్ గా ఓ టాలీవుడ్ కథకు గ్రీన్ సిగ్నల్ ఇచ్చినట్లు తెలుస్తోంది. వీర్ - రెడి అలాగే హేట్ స్టొరీ 3 సినిమాలతో హాట్ హీరోయిన్ గా గుర్తింపు తెచ్చుకున్న ఈ కత్రినా కైఫ్ డూప్లికేట్ సడన్ గా టాలీవుడ్ కి టర్న్ అవ్వడం విశేషం. యాక్షన్ హీరో గోపిచంద్ తో నటించడానికి రెడీ అయినట్లు తెలుస్తోంది. కోలీవుడ్ దర్శకుడు తిరు చెప్పిన యాక్షన్ కథను నేటి నుంచి గోపి సెట్స్ పైకి తీసుకెళ్లనున్నాడు. ఈ సినిమాలో ఆల్ రెడీ రాశి ఖన్నా ఒక హీరోయిన్ గా సెట్టయ్యింది. ఇక మరో హీరోయిన్ పాత్ర కోసం జరీన్ ఖాన్ ను సెలెక్ట్ చేసే పనిలో చిత్ర యూనిట్ బిజీగా ఉంది.
జరీన్ ఖాన్ సౌత్ లో చాలా కాలం తరువాత నటించనుంది. 2013లో తమిళ్ లో నాన్ రాజవగ పొగిరెన్ అనే సినిమాలో నటించిన ఈ బ్యూటీ ఇప్పుడు గోపిచంద్ సినిమా ద్వారా టాలీవుడ్ కి కూడా పరిచయం కానుంది.
|
|