'ఆర్ఆర్ఆర్' లో పరిణీతి చోప్రా ?
cinema | Suryaa Desk | Published : Sun, Jan 27, 2019, 02:28 PM
తెలుగు మీడియాకి హిందీ హీరోయిన్లు అనగానే విధిగా గుర్తొచ్చే పేరు పరిణీతి చోప్రా. ఈమెకి బాలీవుడ్లోనే సీన్ లేదు. కానీ తెలుగు సినిమాకి ఎవరైనా బాలీవుడ్ హీరోయిన్ అవసరం అన్నపుడల్లా ఆమె పేరుని ప్రచారంలోకి తెస్తారు. అక్కడికి ఆవిడకే ఇష్టం లేక సదరు ఆఫర్ వదిలేసుకుందని రాస్తారు. తనపై ఇలాంటి వార్తలు రాసి లేని హైప్ సృష్టించమని ఇక్కడి మీడియాకి అడపాదడపా గిఫ్టులవీ ఇస్తుంటుందో ఏమో అర్థం కాదు. తాజాగా రాజమౌళి తీస్తోన్న మెగా మల్టీస్టారర్లో ఒక కథానాయికగా పరిణీతి చోప్రా పేరు పరిశీలిస్తున్నారనే ప్రచారం స్టార్ట్ అయింది.
ఈ చిత్రానికి బాలీవుడ్లో క్రేజ్ తెచ్చి పెట్టడం కోసం రాజమౌళి బాలీవుడ్ హీరోయిన్లని తీసుకోవాలని చూస్తున్నాడనగానే పరిణీతి పేరు తెర మీదకి ఆనవాయితీ ప్రకారం వచ్చేసింది. కానీ నిజంగా ఆమె నటించడం వల్ల బాలీవుడ్ మార్కెట్కి ఏమైనా హెల్ప్ అవుతుందా? ప్రస్తుతం ఏ చిత్రాల్లో నటిస్తోందనేది బాలీవుడ్ మీడియానే ఠక్కున చెప్పలేదు. అలాంటిది ఆమెకి ఇంతటి భారీ మల్టీస్టారర్లో ఛాన్స్ దొరకడం జరిగే పనేనా? అసలు ఆమెకి ఇన్ని కోట్ల సినిమాలో నటించేంత సీన్ వుందా?
|
|