ఇప్పటికే 200 సార్లు కన్నుకొట్టా.. ఇంకా అడగకండి
cinema | Suryaa Desk | Published : Mon, Jan 28, 2019, 09:18 PM
ప్రియా వారియర్ గురించి దేశం మొత్తం తెలుసు. వింక్ కు కేరాఫ్ అడ్రస్ గా మారిపోయింది ప్రియ ప్రకాష్. కేవలం స్టైల్ గా కన్నుగీటి కనుబొమలు ఎగరేసి.. ఓవర్ నైట్ స్టార్ అయిపోయింది. జస్ట్ కేవలం 30 సెకన్ల ప్రోమోతో ప్రపంచం మొత్తం పాపులర్ అయ్యింది. 'ఒరు అధార్ లవ్' సినిమాలో ఓ పాట కోసం కన్నుకొట్టి అంతలా ఫేమస్ అయిపోయింది ఈ మలయాళీ ముద్దుగుమ్మ. ఒమర్ లులు దర్శకత్వంలో రూపొందిన 'ఒరు అధార్ లవ్' చిత్రాన్ని తెలుగులో 'లవర్స్ డే' పేరుతో లవర్స్ డే (ఫిబ్రవరి 14) రోజునే ప్రేక్షకుల ముందుకు తీసుకొస్తున్నారు. ఈ సందర్బంగా నిర్వహించిన ప్రచార కార్యక్రమంలో ప్రియ మాట్లాడుతూ తానూ ఇబ్బంది పడిన సంఘటనలను వివరించింది.
తాను ఎక్కడికి వెళ్లినా తనను ఓసారి అలా కన్ను కొట్టమని అడుగుతున్నారని, ఇప్పటికి ఓ రెండొందల సార్లు కన్ను కొట్టానని అలా చేసి తనకు బోర్ కొడుతుందని ప్రియా ప్రకాష్ వారియర్ తెలిపారు. ఈ మధ్య జరిగిన లవర్స్ డే ఆడియో ఫంక్షన్ కి వచ్చినప్పుడు కూడా అల్లు అర్జున్ ని చూసి కన్నుకొట్టింది. తన సిగ్నేచర్ మూమెంట్ తో అందర్ని అలరించింది. సెలబ్రిటీలు కాబట్టి.. తన సినిమా ఆడియో పంక్షన్ కాబట్టి తప్పదు. కానీ ఎక్కడికి వెళ్లినా ఇలా కన్ను కొట్టమని జనాలు తెగ ఇబ్బంది పెట్టేస్తున్నారు. దయచేసి ఇంకా కన్ను కొట్టమని అడగకండి అని ప్రాధేయపడుతుంది వింక్ గర్ల్ . ప్రియా వారియర్ నటించిన 'ఓరు ఆధార్ లవ్' ఫిబ్రవరి 14 వ తేదీన లవర్స్ డే సందర్భంగా రిలీజ్ కాబోతున్నది.
|
|