అనుష్క పక్కన ఉన్నది తన కాబోయేవాడు కాదు

దేవసేన, భాగమతి, జేజమ్మ.. అగ్ర కథానాయిక అనుష్క పేరు చెబితే గుర్తొచ్చే పార్తల పేర్లివి. ఏ పాత్ర చేసినా ఆ పాత్రలో ఒదిగిపోతారు ఈ బెంగళూరు భామ. తనదైన అందం, అభినయంతో అభిమానులను మెస్మరైజ్ చేస్తారు. అభిమానులు ఆమెను ముద్దుగా ‘స్వీటీ’ అని పిలుచుకుంటారు. ఇండస్ట్రీ పెద్దలకూ ఆమె స్వీటీనే.

‘సైజ్ జీరో’ తదితర సినిమాల్లో పాత్రల కోసం కాస్త బొద్దుగా మారిన అనుష్క కష్టపడి బరువు తగ్గారు. చాలా రోజుల తర్వాత నయా లుక్‌తో అభిమానులకు దర్శనమిచ్చారు. ఆమె తాజా ఫొటోషూట్‌కు సంబంధించిన ఫొటోలు సోషల్‌మీడియాలో తెగ వైరల్‌ అవుతున్నాయి. ‘అనుష్క ఈజ్‌ బ్యాక్‌’ అంటూ అభిమానులు హర్షం వ్యక్తం చేస్తున్నారు.

తాజా ఫొటోషూట్‌లో స్వీటీ మునుపటి లుక్‌లో కనిపిస్తూ సందడి చేస్తున్నారు. సెలబ్రిటీ ఫిట్‌నెస్ ట్రైనర్ ల్యూక్ కౌటిన్హో.. ఓ అందమైన బీచ్ తీరంలో తీసిన అనుష్క ఫొటోషూట్‌కు సంబంధించిన స్టిల్స్‌ను షేర్ చేశాడు. ఆ వెంటనే స్వీటీ ఫొటోలు వైరల్‌గా మారాయి.  అదే లొకేషన్ లో మరో వ్యక్తితో పాటు కలిసి పోజిచ్చిన ఫోటో కూడా సామాజిక మాధ్యమాల్లో.. అంతర్జాలంలో ఆరాచకం సృష్టించింది.

అరాచకం అనేది పెద్ద పదమేమో గానీ జనాలు ఆ ఫోటోకు స్పందించిన తీరు చూస్తే మాత్రం ఆ పదాన్ని వాడడం తప్పు కాదేమోనని.. సబబేమోనని అనిపిస్తుంది. ఎందుకంటే లోకులు కాకులు .. ఇక అంతర్జాల లోకులు అంతర్జాతీయ కాకులు.  ఒక్క ఫోటోలో ఏదైనా కొత్త విషయం ఉంటే దాన్ని అంతు చూసేవరకూ వారు నిద్రపోరు. ఆ ఫోటోలో ఉన్న యంగ్ మ్యాన్ అనుష్క వివాహం చేసుకోబోయేవాడని కూడా కొందరు అర్థాలు తీశారు. ఇలాంటివి ఎన్నో ఊహాగానాలు వచ్చాయి. కానీ అవన్నీ అరాచకానికి సింబల్సే.  

నిజం ఏంటంటే అయన పేరు ల్యూక్ కోటినో.  అయన ఒక న్యూట్రిషనిస్ట్.  ఇంటిగ్రేటివ్ అండ్ లైఫ్ స్టైల్ మెడిసిన్ లో ఒక స్పెషలిస్ట్.  అనుష్క అధికబరువు ని తగ్గించి అంతకు ముందు ఎలా ఉందో అలా మారడంలో కీలక భూమిక పోషించిన వ్యక్తి.  అయన పర్యవేక్షణలోనే స్వీటీ ఆస్ట్రియాకు చబ్బీగా వెళ్లి ఇండియాకు స్లిమ్ గా తిరిగొచ్చింది. అంతే. ఇంకేం లేదు.  ఒకవేళ ఉంటే గింటే త్వరలో ల్యూక్ ఇండియాలో న్యాచురల్ వెయిట్ లాస్ సెంటర్ మొదలుపెడితే స్వీటీ తనకు బ్రాండ్ అంబాజిడర్ గా ఉండే అవకాశాలు పుష్కలంగా ఉన్నాయట.  అంతే.  ఈ 'అంతే' కు మరోసారి కొనసాగింపు లేదు.