'డెవిల్' పై కీలక వ్యాఖ్యలు చేసిన హర్షవర్ధన్ రామేశ్వర్
cinema | Suryaa Desk | Published : Tue, Dec 26, 2023, 03:38 PM
నవీన్ మేడారం దర్శకత్వంలో నందమూరి కళ్యాణ్ రామ్ తన తదుపరి సినిమాని ప్రకటించిన సంగతి అందరికి తెలిసిందే. ఈ చిత్రానికి 'డెవిల్' అనే టైటిల్ ని మూవీ మేకర్స్ లాక్ చేసారు. ఇటీవల, సంగీత దర్శకుడు హర్షవర్ధన్ రామేశ్వర్ ఈ చిత్ర మ్యూజిక్ పై కొన్ని విషయాల్ని వెల్లడించారు. ప్రేక్షకులని మంత్రముగ్ధులను చేసే ట్యూన్‌లను పునర్నిర్మించడానికి వివిధ సాంప్రదాయ విదేశీ వాయిద్యాలని వినియోగించినట్లు వెల్లడించారు. డెవిల్ బహుళ విభాగాల్లో జాతీయ అవార్డులను కైవసం చేసుకోవచ్చని రామేశ్వర్ వెల్లండించారు.
డిసెంబర్ 29న ప్రపంచ వ్యాప్తంగా ఈ సినిమా ప్రేక్షకుల ముందుకు రానుంది. ఈ స్పై థ్రిల్లర్ డెవిల్ లో కళ్యాణ్ రామ్ సరసన సంయుక్త మీనన్ జోడిగా కనిపించనుంది. అభిషేక్ పిక్చర్స్ భారీ ఎత్తున నిర్మిస్తున్న ఈ పీరియాడికల్ డ్రామాలో కళ్యాణ్ రామ్ ఒక చీకటి రహస్యాన్ని ఛేదించే లక్ష్యంతో నిర్భయ బ్రిటిష్ సీక్రెట్ ఏజెంట్‌గా కనిపిస్తారు. ఈ చిత్రానికి హర్షవర్ధన్ రామేశ్వర్ సంగీత అందిస్తున్నారు.
|
|
