సోదరుడిపై ఆగ్రహం వ్యక్తం చేసిన నాజర్

ప్రముఖ నటుడు నాజర్‌ భార్య కమీల లోక్‌సభ ఎన్నికల్లో మక్కల్‌ నీది మయ్యం పార్టీ నుంచి సెంట్రల్‌ చెన్నై అభ్యర్థిగా పోటీ చేస్తుంది. ఈ నేపథ్యంలోనే నాజర్‌ సోదరుడు మీడియాతో మాట్లాడుతూ నాజర్‌ దంపతులపై నిందారోపణలు చేశారు. దక్షిణాదిలో అన్ని భాషల్లోనూ ప్రముఖ నటుడిగా గుర్తింపు తెచ్చుకున్న వ్యక్తి నాజర్. వ్యక్తిత్వ పరంగానూ నాజర్ కు ఇప్పటివరకు మంచిపేరే ఉంది. అయితే, ఇటీవల నాజర్ సోదరుడు మీడియా సాక్షిగా తీవ్ర విమర్శలు చేశారు. తల్లిదండ్రులను సరిగా చూసుకోవడం చాతకాని వ్యక్తి నాజర్ అంటూ మండిపడ్డారు. అలాంటి వ్యక్తికి రాజకీయాలు ఎందుకంటూ నిలదీశారు. నాజర్ భార్య కమీలా ఈ ఎన్నికల్లో కమల్ హాసన్ స్థాపించిన మక్కల్ నీది మయ్యం (ఎంఎన్ఎం) పార్టీ తరఫున చెన్నై సెంట్రల్ లోక్ సభ స్థానం నుంచి పోటీ చేస్తున్న సంగతి తెలిసిందే. ఈ నేపథ్యంలో నాజర్ సోదరుడి వ్యాఖ్యలు చర్చనీయాంశం అయ్యాయి. నాజర్ సోదరుడు ప్రెస్ మీట్ లో కంటతడి పెట్టుకుని మరీ నాజర్ దంపతులపై వ్యాఖ్యలు చేశారు. ఇన్నాళ్లు మౌనంగా ఉన్న నాజర్ ఇప్పుడు సోదరుడి ఆరోపణలపై స్పందించారు. కొందరు రాజకీయ లబ్ది కోసమే ఇలాంటి ప్రచారానికి తెగబడుతున్నారని ఆరోపించారు. ఈ విషయంపై అప్పట్లో మౌనం వహించిన నాజర్‌ తాజాగా స్పందించారు. ఈ మేరకు ఒక ప్రకటన విడుదల చేశారు. అందులో...మా కుటుంబానికి సంబంధించిన విషయాలు ఇటీవల మీడియాలో వస్తున్నాయి. కమీలకు ఓటు వేయకండి అని ప్రచారం చేయడం కోసమే ఓ ముఠా ఇలాంటి దారుణమైన ఘటనకు ఒడిగడుతోంది. తన భార్య కమీలా ఎంతో స్వేచ్ఛగా ఈ ఎన్నికల్లో పోటీచేస్తోందని, ఆమెపై తన ప్రభావం ఎంతమాత్రం లేదని స్పష్టం చేశారు. తల్లిదండ్రులకు ఏమీ చేయలేదని నాపై ఆరోపణలు వస్తున్నాయి. తల్లిదండ్రుల పట్ల బాధ్యతలు నిర్వర్తించలేకపోవడానికి..నా కుటుంబంలోని వాడే అంటూ సోదరుడిపై విమర్శలు చేశారు.