నేను దుస్తులు మార్చుకుంటున్న సమయంలో పర్మిషన్‌ లేకుండానే దర్శకుడు డోర్‌ తీశాడు : షాలిని పాండే

హీరోయిన్ షాలిని పాండే షాకింగ్ కామెంట్స్ చేశారు. ఈ అందాల భామఅర్జున్ రెడ్డి సినిమాతో హీరోయిన్ గా టాలీవుడ్ సినీ ఇండస్ట్రీలోకి ఎంట్రీ ఇచ్చింది. అర్జున్ రెడ్డి సినిమాతో మంచి హిట్ కొట్టి ప్రేక్షకులకు దగ్గరైంది.దాంతో ఈమెకి చాలానే సినిమాలలో అవకాశాలు వచ్చాయి. ఈమె తెలుగుతో పాటుగా తమిళం సినిమాలలో కూడా నటించింది. ఈమెకి తెలుగు రాకపోయినా కూడా చాలా సినిమాలకు డబ్బింగ్ చెప్పుకుంది. ఈమె ఇటీవల ఓ ఇంటర్వ్యూ ఇచ్చింది. ఈ సందర్బంగా తన సినీ కెరీర్ ప్రారంభమైన కొత్తలో ఎదురుకున్న ఇబ్బందులను గురించి చెప్పుకొచ్చింది.'నేను జబల్ పూర్ నుండి వచ్చాను. సినిమాలలో నటించడం అంటే నాకు చాలా ఇష్టం. నా కాలను నెరవేర్చుకోవడం కోసం నేను కుటుంబాన్ని సైతం వదిలేసి వచ్చాను. మొదట ఫేస్ బుక్ లో నా ఫోటోస్ చూసి డైరెక్టర్ సందీప్ రెడ్డి వంగా నాకు అర్జున్ రెడ్డి సినిమాలో అవకాశం ఇచ్చారు. ఆ సినిమాలో నటించి మంచి గుర్తింపు సంపాదించుకున్నాను. అయితే నేను సినీ ఇండస్ట్రీలోకి అడుగుపెట్టి చాలా ఏళ్లు అయ్యింది. ఇన్ని ఏళ్లల్లో నాకు దర్శక-నిర్మాతలు, నటీనటులు ఎంత సప్పోర్ట్ ఇచ్చారు. అలాగే ఈ ప్రయాణంలో చాలా సార్లు సవాళ్లను కూడా ఎదురుకున్నాను. నేను ఒక సినిమాలో నటిస్తున్నప్పుడు.. దర్శకుడి వల్ల ఇబ్బంది పడ్డాను. కారవాన్ లో నేను దుస్తులు మార్చుకునే సమయంలో నా పర్మిషన్ లేకుండా దర్శకుడు డోర్ తీశాడు. నాకు చాలా కోపం వచ్చి వెంటనే కేకలు వేశాను. దాంతో ఆయన అక్కడినుండి వెళ్ళిపోయాడు. చుట్టూ ఉన్న వాళ్లలో కొందరు అలా చేయకుండా ఉండాల్సింది అని అన్నారు. కానీ నాకు నేను చేసిన పని ఏ మాత్రం తప్పుగా అనిపించలేదు' అని షాలిని పాండే చెప్పారు. షాలిని పాండే ఇటీవలే డబ్బా కార్టెల్ అనే వెబ్ సిరీస్ లో నటించింది. ఈ సిరీస్ ప్రస్తుతం నెట్ ప్లీక్స్ వేదికగా స్ట్రీమింగ్ అవుతుంది.