పాకిస్తానీ మహిళకు ప్రియాంక స్ట్రాంగ్ కౌంటర్ ..
cinema | Suryaa Desk | Published : Sun, Aug 11, 2019, 08:10 PM
లాస్ఏంజెల్స్లో బ్యూటీకాన్ పేరిట ఓ కార్యక్రమం జరిగింది. ఈ కార్యక్రమంలో పాల్గొన్న ప్రియాంక చోప్రా...అభిమానులు అడిగిన ప్రశ్నలకు సమాధానాలు ఇచ్చారు. ఈ సమయంలో ఓ పాకిస్తానీ యువతి ప్రియాంకతో దురుసుగా ప్రవర్తించారు. తనపై అందరిముందు ఇష్టమెచ్చినట్లు మాట్లాడిన ఓ పాకిస్తానీ మహిళకు స్ట్రాంగ్ కౌంటర్ ఇచ్చింది గ్లోబల్ స్టార్ ప్రియాంకచోప్రా.
బాలాకోట్ లోని ఉగ్రశిబిరాలపై భారత వాయుసేన ఎయిర్ స్ట్రయిక్స్ చేసినప్పుడు మీరు ‘జై హింద్’ అని ట్వీట్ చేశారు. యూనిసెఫ్ గుడ్విల్ అంబాసిడర్ అయివుండి అలా రెచ్చగొట్టే విధంగా ట్వీట్లు చేయొచ్చా?ఓ పాకిస్థానీ మహిళగా నేను, నా దేశవాసులు మీరు చేసే మంచి పనులకు ఎల్లప్పుడూ మద్దతుగా నిలిచాం. అలాంటిది మీరు పాక్పై యుద్ధానికి దారితీసేలా వ్యాఖ్యలు చేయడం సబబేనా? అంటూ కేకలు వేశారు.
వెంటనే స్పందిన ప్రియాంక....నాకు పాకిస్తాన్లో చాలా మంది ఫ్రెండ్స్ ఉన్నారు. కానీ నేను భారతీయురాలిని. నా దేశం పట్ల నాకు బాధ్యత, గౌరవం ఉన్నాయి. నేను రెచ్చగొట్టేలా ఎలాంటి వ్యాఖ్యలు చేయలేదు. నీ దేశం కోసం ఈ విధంగా నన్ను ప్రశ్నిస్తున్నావ్. నేను కూడా అంతే. ఇలా అరవకు. అరిచి నీ పరువు తీసుకోకు. ఇక్కడ మనమందరం ప్రేమగా వ్యవహరించాలి. ప్రపంచంలోని సగం జనాభాలో మనమున్నాం. అన్ని రంగాల్లో మనం రాణించాలి. మహిళలు ఒకనినొకరు ప్రోత్సహించుకుంటూ సాయం చేసుకోవాలి. నేనున్న స్థాయిలో ఇతర మహిళలను ప్రోత్సహించి వారిని ఛాంపియన్లుగా తీర్చిదిద్దాలని ఎన్నో ఏళ్ల క్రితమే నాకు నేను మాటిచ్చుకున్నాను అంటూ సదరు పాక్ యువతి నోరుమూయించారు.
|
|