Actors Reunion: అలీ-శ్రీకాంత్ బ్యాచ్ మళ్లీ కలిసింది! ఫొటోలు వైరల్
cinema | Suryaa Desk | Published : Sun, Aug 24, 2025, 10:38 PM
సినిమా ఇండస్ట్రీలో రీ-యూనియన్స్ అనే ట్రెండ్ చాలా అరుదుగా కనిపిస్తుంది. ఈ తరం నటుల మధ్య పెద్దగా బాండింగ్ లేకపోవచ్చు, కానీ 1980, 90ల బ్యాచ్ మాత్రం ఇప్పటికీ తమ స్నేహాన్ని కొనసాగిస్తూ ఏటా ఒకసారి కలుసుకుంటూనే ఉంటారు.తాజాగా హీరోయిన్లు సిమ్రాన్, మీనా కలిసి ఓ గెట్టుగెదర్ ప్లాన్ చేసి ఫొటోలు షేర్ చేసిన విషయం తెలిసిందే. ఇప్పుడు అలాంటి ఒక ప్రత్యేక రీ-యూనియన్ను నిర్మాత బండ్ల గణేశ్ ఏర్పాటు చేశారు. ఆయన స్వగృహంలో ఏర్పాటు చేసిన ఈ పార్టీకి అప్పటి పలువురు సినీ ప్రముఖులు హాజరయ్యారు.ఈ గ్యాదరింగ్లో నటులు శ్రీకాంత్, అలీ, శివాజీ, దర్శకుడు కె. రాఘవేంద్రరావు తదితరులు పాల్గొన్నారు. వీరి ఫొటోలు ప్రస్తుతం సోషల్ మీడియాలో హల్చల్ చేస్తున్నాయి. అప్పటి సినిమాల తాలూకు జ్ఞాపకాలను ఒకసారి తిరిగి గుర్తు చేసుకుంటూ అందరూ మంచి సమయాన్ని గడిపినట్టు సమాచారం.ఈ తారలంతా ఒక సమయంలో ప్రముఖ హీరోలుగా, క్యారెక్టర్ ఆర్టిస్టులుగా ఎంతో గుర్తింపు పొందారు. ముఖ్యంగా రాఘవేంద్రరావు దర్శకత్వం వహించిన చిత్రాల్లో వీరంతా తరచూ కనిపించేవారు. అందుకే ఈ వేడుకకు ఆయనను ప్రత్యేకంగా ఆహ్వానించినట్టు తెలుస్తోంది.ప్రస్తుతం వీరిలో కొందరు సినిమాల్లో కొనసాగుతుండగా, మరికొందరు వ్యాపార రంగంలో తమ ప్రయాణాన్ని కొనసాగిస్తున్నారు. సాదాసీదాగా బండ్ల గణేశ్ ఇంటిలో ఏర్పాటు చేసిన ఈ చిన్న పార్టీ, వారి మధ్య ఉన్న బంధాన్ని మరోసారి బయటపెట్టిందని చెప్పాలి.
|
|