తెలంగాణకు మళ్లీ రెయిన్ అలర్ట్.. ఈ జిల్లాల్లో భారీ వర్షాలు
Telangana Telugu | Suryaa Desk | Published : Sat, May 18, 2024, 08:52 PM
తెంలగాణలో గతకొన్ని రోజులుగా భిన్న వాతావరణాన్ని మనం చూడవచ్చు. ఏప్రిల్ చివరి వారం, మే మెుదటి వారంలో భానుడు నిప్పులు చెరిగాడు. ఆ రెండు వారాలు రికార్డు స్థాయిలో ఉష్ణోగ్రతలు నమోదయయ్యాయి. కొన్ని ప్రాంతాల్లో 47 డిగ్రీలకు పైనే ఉష్ణోగ్రతలు రికార్డయ్యాయి. ఇక వడదెబ్బతో పదుల సంఖ్యలో ప్రజలు ప్రాణాలు కోల్పోయారు. అయితే గత 10 రోజులుగా వాతావరణంలో అనుహ్యంగా మార్పులు చోటు చోటుచేసుకున్నాయి. వర్షాకాలాన్ని తలపిస్తూ.. ప్రతిరోజూ వర్షాలు కురుస్తున్నాయి.
తాజాగా.. రాష్ట్రంలో వర్షాలపై వాతారవణశాఖ కీలక ప్రకటన చేసింది. రాష్ట్రంలో మరో వారం పాటు వర్షాలు కురుస్తాయని వెల్లడించింది. పలు జిల్లాల్లో మోస్తరు నుంచి భారీ వర్షాలు కురిసే అవకాశం ఉందని చెప్పింది. ఈ మేరకు పలు జిల్లాలకు ఎల్లో అలర్ట్ను జారీ చేసింది వాతావరణశాఖ. ప్రస్తుతం మధ్యప్రదేశ్లో కొనసాగుతున్న ఉపరితల ఆవర్తనం అలాగే ఉందని.. తాజాగా తమిళనాడు ప్రాంతాల్లోనూ మరో ఆవర్తనం ఏర్పడుతుందని అధికారులు తెలిపారు.
ఈ ఆవర్తనం ప్రభావంతో నల్గొండ, సూర్యాపేట, మహబూబాబాద్, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, వరంగల్, హనుమకొండ, రంగారెడ్డి, నాగర్కర్నూల్, వనపర్తి, జోగులాంబ గద్వాల, జనగామ, యాదాద్రి భువనగిరి, నారాయణపేట, పెద్దపల్లి, మంచిర్యాల, కరీంనగర్ జిల్లాల్లో ఓ మోస్తరు నుంచి భారీ వర్షాలు కురిసే అవకాశం ఉందని తెలిపింది. ఆయా జిల్లాలకు ఎల్లో అలర్ట్ను జారీ చేశారు. హైదరాబాద్ సిటీలోనూ మోస్తరు వర్షాలు పడే అవకాశమున్నట్లు అధికారులు తెలిపారు.
|
|