తెలంగాణలో మెుదలైన వర్షాలు.. వాహనదారులకు డీజీపీ అలర్ట్
Telangana Telugu | Suryaa Desk | Published : Mon, Jun 10, 2024, 07:36 PM
తెలంగాణలో నైరుతి రుతుపవనాలు క్రమంగా విస్తరిస్తున్నాయి. గత మూడు, నాలుగు రోజులుగా వర్షాలు కురుస్తున్నాయి. హైదరాబాద్లోనూ భారీ వర్షాలు కురుస్తున్నాయి. వర్షాల కారణంగా రహదారులపై భారీగా వర్షపు నీరు చేరి వాహనదారులు ఇబ్బందులు పడుతున్నారు. రోడ్డు ప్రమాదాలు కూడా చోటు చేసుకుంటున్నాయి. ఈ నేపథ్యంలో తెలంగాణ డీజీపీ రవి గుప్తా వాహనదారులకు పలు సూచనలు జారీ చేశారు. వర్షాకాలంలో జాగ్రత్తగా ఉండాలని.. వాహనదారులు సరైన జాగ్రత్తలు పాటించి రోడ్డు ప్రమాదాల నివారణకు తోడ్పడాలని ట్విట్టర్ వేదికగా సూచించారు.
మీ వాహనాల టైర్ల గ్రిప్ /థ్రెడ్ ఏ విధంగా ఉందో సంబంధిత వాహన నిపుణులతో చెక్ చేసుకోండి. టైర్ల గ్రిప్ బాలేకపోతే వెంటనే మార్చుకోండి. మీ వాహన టైర్ల గాలిని ఎప్పటికప్పుడు చెక్ చేసుకుంటూ ఉండండి.
వర్షం కురుస్తున్నపుడు పరిమిత వేగంతో ప్రయాణించటం ఎల్లవేళలా మంచిది.
మీ వాహన ఇంజిన్ కండిషన్ ఎలా ఉందో చెక్ చేసుకోండి. బ్రేక్స్ పాడ్స్, విండ్ స్క్రీన్ వైపర్ల కండిషన్ ఒకటికి రెండు సార్లు చెక్ చేయించండి.
ఎప్పుడైనా అవసరం వస్తే మీ వాహనాల్లో ఎమర్జెన్సీ కిట్లు అందుబాటులో ఉండేలా ఏర్పాటు చేసుకోండి.
అత్యవసర సమయాల్లో #Dial100కి కాల్ చేసేలా మీ మొబైల్/ మీ వాహనంలో వీలైతే స్పీడ్ డయల్ ఏర్పాటు చేసుకోండి.
మీ మరియు మీ కుటుంబభద్రత దృష్ట్యాఈ సూచనలు ఎంతో మంచివి.
|
|