అమ్మాయితో గెస్ట్ హౌస్కి సీఐ.. రెడ్ హ్యాండెడ్గా పట్టుకున్న పోలీసులు
Telangana Telugu | Suryaa Desk | Published : Wed, Jun 12, 2024, 07:57 PM
యువతితో గెస్ట్ హౌస్కు వెళ్లిన ఓ సీఐ (సర్కిల్ ఇన్స్పెక్టర్)ను హనుమకొండ పోలీసులు రెడ్ హ్యాండెడ్గా పట్టుకున్నారు. అసాంఘిక కార్యకలపాలు సాగించేందుకు అమ్మాయిని తీసుకెళ్లిన భావించి అదుపులోకి తీసుకున్నారు. ప్రత్యేక ఇంటెలిజెన్స్ విభాగం (SIB)లో పనిచేస్తున్న సీఐ హనుమకొండ జిల్లా హసన్పర్తి మండలం చింతగట్టు క్యాంపులోని ఓ ప్రయివేటు గెస్ట్ హౌస్లో అదుపులోకి తీసుకోగా.. ఆయన్ను రహస్యంగా విచారిస్తున్నారు.
కేయూ పోలీసులు తెలిపిన వివరాల ప్రకారం.. ఎస్ఐబీలో పనిచేస్తున్న ఓ సీఐ మంగళవారం (జూన్ 11) మధ్యాహ్నం ఓ యువతిని కారులో చింతగట్టు క్యాంపులోని గెస్ట్ హౌస్కి తీసుకొచ్చారు. స్థానికుల ద్వారా ఈ విషయం ఓ పోలీసు ఉన్నతాధికారి దృష్టికి వెళ్లడంతో విచారణ జరిపి, నివేదిక అందించాలని స్పెషల్ బ్రాంచి పోలీసులను సదరు ఉన్నతాధికారి ఆదేశించారు. వారు కేయూ పోలీసులతో కలిసి గెస్ట్ హౌస్ వద్దకు వెళ్లారు. ఆ సమయంలో యువతి ఉన్న కింది గదిలో నుంచి సీఐ పై ఫ్లోర్కు వెళుతుండటాన్ని పోలీసులు గమనించారు. వెంటనే ఆయన్ని అదుపులోకి తీసుకున్నారు. పైఅంతస్తులో సీఐ స్నేహితులు మద్యం పార్టీ చేసుకున్నట్లు గుర్తించారు. సీఐని, యువతిని కలిపి పోలీసులు ప్రశ్నిస్తున్నారు. అసలు ఆమె ఎవరు? ఇక్కడకు ఎందుకు తీసుకొచ్చారు? అనే కోణంలో విచారణ చేపడుతున్నారు.
|
|