సుల్తానాబాద్ ప్రభుత్వ ఆసుపత్రిని సందర్శించిన...ఎమ్మెల్యే
Telangana Telugu | Suryaa Desk | Published : Wed, Sep 04, 2024, 04:33 PM
సుల్తానాబాద్ పట్టణంలో ప్రభుత్వ ఆసుపత్రిని మంగళవారం రోజున ఆకస్మికంగా తనిఖీ చేసి ఇన్ పేషెంట్,అవుట్ పేషంట్ వివరాలు అడిగి తెలుసుకొని అలాగే పేషెంట్లకు సరిపడా మందులు ఉన్నాయ లేదా అని ఆరా తీశారు. తదుపరి వైద్యం ఎలా చేస్తున్నారో ఆసుపత్రిలో ఉన్న పెషేంట్లను అడిగి తెలుసుకొని వ్యాధి గ్రస్తులకు మెరుగైన చికిత్సను అందించాలని డాక్టర్లకు సూచనలు చేసిన పెద్దపల్లి శాసనసభ్యులు చింతకుంట విజయరమణ రావు..ఈ సందర్బంగా ఎమ్మెల్యే విజయరమణ రావు మాట్లాడుతూ...సుల్తానాబాద్ ప్రభుత్వ ఆసుపత్రి సందర్శనలో భాగంగా ప్రధానంగా ఆసుపత్రి పరిసరాలు పరిశుభ్రంగా ఉంచుకోవాలని ఎమ్మెల్యే సూచించారు. ఆసుపత్రిలో వైద్యలు, నర్సులు, సిబ్బంది అవసరం ఉందని త్వరలోనే పూర్తిస్థాయిలో ఉండే విధంగా చూస్తామన్నారు.
ఆసుపత్రిలో కార్పొరేట్ స్థాయిలో వైద్యం అందించేందుకు అన్ని సౌకర్యాలు కల్పిస్తామన్నారు. వానాకాలం సీజన్లో దోమల వల్ల వైరల్ ఫీవర్, డెంగ్యూ, మలేరియా, టైఫాడ్ ,చికెన్ గున్యా, లాంటి వ్యాధులు విజృంభిస్తున్నాయని ఆసుపత్రికి వచ్చే రోగులకు సరైన నాణ్యమైన వైద్యాన్ని అందించాలని డాక్టర్లకు ఎమ్మెల్యే సూచనలు చేశారు.ఈ కార్యక్రమంలో సుల్తానాబాద్ పట్టణ కౌన్సిలర్లు, కాంగ్రెస్ పార్టీ ప్రజాప్రతినిధులు, నాయకులు, కార్యకర్తలు,డాక్టర్లు, ఆసుపత్రి సిబ్బంది తదితరులు పాల్గొన్నారు.
|
|