టీడీపీ కు గ్రామాల్లో పెరుగుతున్న జనాధారణ..!
Telangana Telugu | Suryaa Desk | Published : Sat, Nov 09, 2024, 01:50 PM
గ్రామాల్లో టీడీపీకు జనాధారణ పెరుగుతుందని టీడీపీ పార్టీ కోదాడ నియోజకవర్గ కోఆర్డినేటర్ ముత్తినేని సైదేశ్వర రావు, కొల్లు నరసయ్య అన్నారు. అనంతగిరి మండల పరిధిలోని త్రిపురవరం గ్రామంలో టిడిపి సభ్యత్వ నమోదు కార్యక్రమం నిర్వహించిన అనంతరం, ఎన్టీఆర్ విగ్రహం వద్ద జెండా ఆవిష్కరణ చేశారు. ఈ సందర్భంగా వారు మాట్లాడుతూ... గత 20 సంవత్సరాలుగా తెలంగాణ రాష్ట్రంలో అధికారంలో లేకపోయినా తెలుగుదేశం పార్టీకి అభిమానులు, కార్యకర్తలు, ఇంతమంది ప్రజల ఆదరణ ఉండటం అభినందనీయమని కొనియాడారు. అనంతగిరి మండలంలో అత్యధికంగా నమోదు కార్యక్రమం చేయించాలని ఆదేశించారు.
పార్టీ తరపున పూర్తి సహాయ సహకారాలు అందిస్తానని హామీ ఇచ్చారు. నమోదు కార్యక్రమాన్ని విజయవంతం చేసిన అందరికీ కృతజ్ఞతలు తెలిపారు. ఈ కార్యక్రమంలో చాపల శ్రీనివాసరావు, జగన్, కొత్త నరేష్ రెడ్డి, కాసాని రాంబాబు, సామర్ధ్యపు సాయన్న, వడ్డబోయిన రాంబాబు, పొల్లూరి వేణు, వీరయ్య, సాయి, వెంకన్న, నరేష్, వెంకటేష్, శ్రీను, షేక్ సైదులు, పాల్గొన్నారు.
|
|