ట్రెండింగ్
కౌలాస్ కోట, నిజాంసాగర్ ప్రాజెక్టులను పర్యాటక కేంద్రంగా మార్చండి
Telangana Telugu | Suryaa Desk | Published : Wed, Dec 18, 2024, 03:32 PM
కామారెడ్డి జిల్లా జుక్కల్ నియోజకవర్గంలోని నిజాంసాగర్ ప్రాజెక్టు, కౌలాస్ కోటలను పర్యాటక కేంద్రాలుగా మార్చాలని ఎమ్మెల్యే తోట లక్ష్మీకాంతరావు అన్నారు. ఈవిషయమై మంగళవారం ఆయన అసెంబ్లీలో మాట్లాడారు. నిజాం నవాబులు నిర్మించిన నిజాంసాగర్ ప్రాజెక్టు నేటికి చెక్కుచెదరకుండా ఉందన్నారు. జుక్కల్ మండలం కౌలాస్ గ్రామానికి అనుకుని ఉన్న కౌలాస్ కోటను 9వ శతాబ్దంలో 350 ఎకరాల్లో నిర్మించారన్నారు.
పిట్లం మండలంలోని రామేశ్వరం గుట్ట ఆధ్యాత్మిక కేంద్రంగా ఉందన్నారు. ఈప్రాంతాన్ని టూరిజం హబ్ గా మార్చితే అభివృద్ధి చెందుతుందన్నారు. గత ప్రభుత్వాలు ఇచ్చిన హామీలు అమలు చేయలేదన్నారు. వీటికి నిధులు మంజూరు చేయాలని విన్నవించారు.
|
|