సుప్రీంకోర్టులో నేడు విచారణకి వచ్చిన వామనరావు దంపతుల హత్య కేసు
Telangana Telugu | Suryaa Desk | Published : Fri, Apr 04, 2025, 03:01 PM
తెలంగాణలో నాలుగేళ్ల క్రితం సంచలనం సృష్టించిన వామనరావు దంపతుల హత్య కేసునకు సంబంధించిన వీడియోలతో సహా అన్ని పత్రాలను సమర్పించాలని సుప్రీంకోర్టు ఆదేశించింది. 2021 ఫిబ్రవరి 27న న్యాయవాది గట్టు వామనరావు, నాగమణి దంపతులు హత్యకు గురైన విషయం తెలిసిందే. ఈ కేసును సీబీఐతో విచారణ జరిపించాలని దాఖలైన పిటిషన్పై ఈరోజు సుప్రీంకోర్టులో వాదనలు జరిగాయి.అన్ని పత్రాలను తమ ముందు ఉంచితే వాటిని పరిశీలించి సీబీఐ విచారణపై నిర్ణయం తీసుకుంటామని సుప్రీంకోర్టు స్పష్టం చేసింది. ఈ మేరకు ధర్మాసనం తెలంగాణ రాష్ట్ర ప్రభుత్వానికి నోటీసులు జారీ చేసింది. మూడు వారాల్లో రికార్డులు అందజేయాలని ఆదేశించింది. తదుపరి విచారణను నాలుగు వారాలకు వాయిదా వేసింది.ఈ ఏడాది ఫిబ్రవరిలోనూ ఈ కేసుపై సుప్రీంకోర్టులో విచారణ జరిగింది. కోర్టు ఆదేశిస్తే విచారణ చేపట్టడానికి తమకు ఎలాంటి అభ్యంతరం లేదని సీబీఐ తరఫు న్యాయవాది కోర్టుకు తెలిపారు. తెలంగాణ ప్రభుత్వం కూడా సీబీఐకి అప్పగించేందుకు అభ్యంతరం లేదని స్పష్టం చేసింది.
|
|