కాంగ్రెస్ పై కోనేరు కోనప్ప సంచలన వ్యాఖ్యలు
Telangana Telugu | Suryaa Desk | Published : Mon, May 26, 2025, 12:47 PM
సిర్పూర్ మాజీ ఎమ్మెల్యే కోనేరు కోనప్ప మరోసారి సంచలన వ్యాఖ్యలు చేశారు. కాంగ్రెస్ పార్టీకి గుడ్ బై చెప్పిన ఆయన..రాజకీయంగా తాను ఏ పార్టీలోకైనా వెళ్తాను కానీ, హస్తం పార్టీకి మాత్రం తిరిగి రానని చెప్పారు. కుమ్రం భీం ఆసిఫాబాద్ జిల్లా చింతలమానేపల్లి మండలంలోని డబ్బా గ్రామ సమీపంలో ఆదివారం ఏర్పాటు చేసిన కోనేరు ఆత్మీయ సమ్మేళనంలో మాట్లాడారు. సిర్పూర్ నియోజకవర్గ ప్రజల ఆశీర్వాదంతోనే మూడుసార్లు ఎమ్మెల్యేగా గెలిచానన్నారు. తనకు ఏ పార్టీ అండ అవసరం లేదని కార్యకర్తలు, ప్రజలే తన బలమని పేర్కొన్నారు.హామీలు అమలు కావడం లేదు, అభివద్ధి జరగడం లేదని ఆరోపణలుప్రస్తుతం పోడు రైతులు అటవీ అధికారుల ఒత్తిడికి గురవుతున్నారని, వారికి ఎళ్లప్పుడూ అండగా ఉంటానన్నారు. నియోజకవర్గంలో పర్యటించిన మంత్రులు పోడు రైతుల పట్ల స్పష్టమైన హామీ ఇవ్వకుండా మోసం చేస్తున్నారని ఆరోపించారు. ముఖ్యమంత్రి రేవంత్ రెడ్డిని పలుమార్లు సిర్పూర్ అభివృద్ధి కోసం అభ్యర్థించినా స్పందించలేదన్నారు. ప్రస్తుతం నియోజకవర్గ ప్రజాప్రతినిధులు పోడు రైతుల పట్ల కపట ప్రేమ చూపిస్తున్నారని దుయ్యబట్టారు. కేసీఆర్ దేవుడని, ఆయనకు పాదాభివందనాలని కాంగ్రెస్ పార్టీలో చేరిన నాడే తాను చెప్పానని మాజీ ఎమ్మెల్యే కోనేరు కోనప్ప అన్నారు.
|
|