సౌదీ బస్సు ప్రమాద బాధితులకు ఊరట.. పరిహారం విడుదల చేసిన ప్రభుత్వం

సౌదీ అరేబియాలో గత నెలలో జరిగిన ఘోర రోడ్డు ప్రమాదంలో హైదరాబాద్‌కు చెందిన 45 మంది సజీవదహనమైన సంగతి తెలిసిందే. వీరిలో హైదరాబాద్‌, విద్యానగర్ ప్రాంతానికి చెందిన నజీరుద్దీన్ వ్యక్తి కుటుంబంలో మరింత విషాదం చోటు చేసుకుంది. నజీరుద్దీన్ కుటుంబంలోని రెండేళ్ల నుంచి 12 ఏళ్ల లోపు చిన్నారులంతా ఈ బస్సు ప్రమాదంలో ప్రాణాలు కోల్పోయారు. ఈ క్రమంలో బాధిత కుటుంబాలకు అండగా ఉంటానని హామీ ఇచ్చిన ముఖ్యమంత్రి రేవంత్ రెడ్డి తాజాగా కీలక నిర్ణయం తీసుకున్నారు.

సౌదీ అరేబియాలో జరిగిన ఘోర బస్సు ప్రమాదంలో మరణించిన హైదరాబాద్ వాసుల కుటుంబాలకు తెలంగాణ ప్రభుత్వం అండగా నిలిచింది. ముఖ్యమంత్రి సహాయ నిధి నుంచి రూ. 3.07 కోట్లు మంజూరు చేసింది. ఈ మేరకు మైనారిటీ సంక్షేమ శాఖ నుంచి జీవో నం.125 ద్వారా ఉత్తర్వులు జారీ అయ్యాయి. ఈ మొత్తాన్ని తెలంగాణ హజ్ కమిటీ ఎగ్జిక్యూటివ్ ఆఫీసర్ ఖాతాలో జమ చేయాలని సీఎంవో అధికారులు ఆదేశించారు. నవంబర్ 17న జరిగిన ఈ ప్రమాదంలో హైదరాబాద్‌కు చెందిన 45 మంది ప్రాణాలు కోల్పోగా, ఒక వ్యక్తి తీవ్ర గాయాలతో బయటపడ్డారు.

ఈ దుర్ఘటనలో మరణించిన వారి కుటుంబాలకు ఎక్స్‌గ్రేషియా చెల్లించేందుకు ముఖ్యమంత్రి సహాయ నిధి నుంచి రూ. 3.07 కోట్లు విడుదలయ్యాయి. మైనారిటీ సంక్షేమ శాఖ ఈ నిధుల మంజూరుకు జీవో నం.125 జారీ చేసింది. ఈ డబ్బును తెలంగాణ హజ్ కమిటీ ఎగ్జిక్యూటివ్ ఆఫీసర్ ఖాతాలో జమ చేయాలని సీఎంవో అధికారులు ఆదేశాలు జారీ చేశారు. ఈ ఖాతా సెంట్రల్ బ్యాంక్ ఆఫ్ ఇండియా, ఫతే మైదాన్ బ్రాంచ్‌లో ఉంది.

నవంబర్ 17న సౌదీ అరేబియాలో జరిగిన బస్సు ప్రమాదం చాలా విషాదకరం. ఈ ప్రమాదంలో హైదరాబాద్‌కు చెందిన 45 మంది దుర్మరణం పాలయ్యారు. ఒక వ్యక్తి మాత్రం తీవ్ర గాయాలతో ప్రాణాలతో బయటపడ్డారు. ప్రమాదం తర్వాత ఆయన అక్కడే కొద్ది రోజులు చికిత్స పొంది, ఇటీవల హైదరాబాద్‌కు తిరిగి వచ్చారు.

హైదరాబాద్‌లోని వివిధ ప్రాంతాలకు చెందిన 54 మంది ఉమ్రా యాత్రకు వెళ్లాలని నిర్ణయించుకున్నారు. దీనిలో భాగంగా వారంతా.. నవంబర్ 9న హైదరాబాద్ నుంచి బయలుదేరి, వివిధ ప్రాంతాలను సందర్శించి, నవంబర్ 23న తిరిగి రావాలని ప్రణాళిక వేసుకున్నారు. ఈ యాత్రలో భాగంగా 54 మంది యాత్రికులు నవంబర్ 9న హైదరాబాద్ నుంచి జెడ్డాకు బయలుదేరారు. ఆ తర్వాత మక్కా చేరుకుని, అక్కడితో పాటు సమీపంలోని పవిత్ర స్థలాలను సందర్శించారు.

మక్కా యాత్రను ముగించుకున్న తర్వాత, 46 మంది యాత్రికులు బస్సులో మదీనాకు బయలుదేరారు. అయితే, మొత్తం 54 మందిలో 46 మంది బస్సులో ప్రయాణించగా, మరో నలుగురు కారులో మదీనాకు వెళ్లాలని నిర్ణయించుకున్నారు. మిగిలిన నలుగురు వ్యక్తిగత కారణాల వల్ల మక్కాలోనే ఉండిపోయారు. అయితే ఈ 46 మంది ప్రయాణిస్తున్న బస్సులో మంటలు చెలరేగి దానిలోనే సజీవదహనం అయ్యారు. కేవలం ఒక్క వ్యక్తి మాత్రమే ప్రాణాలతో బయటపడ్డాడు.