కిడ్నిలోని రాళ్లను ఇవి కరిగించేస్తాయి,,,ఆవేంటో తెలుసా

కిడ్నీలో రాళ్లు.. ఇది చాలామందిలో కనిపించే సమస్యే. కిడ్నీలో రాళ్లు కారణంగా విపరీతమైన నొప్పి బాధిస్తూ ఉంటుంది. పొత్తి కడుపులోంచి నొప్పి పొడుచుకొస్తూ వస్తూ ఉంటుంది. యూరిన్‌కు వెళ్లేప్పుడు విపరీతమైన మంట వస్తూ ఉంటుంది. రాళ్ల పరిమాణం, సంఖ్యను బట్టి కిడ్నీలో రాళ్లు రావడానికి చాలా వారాలు, నెలలు పట్టవచ్చు. నీళ్లు తక్కువగా తాగడం, యూటీఐ, మాంసాహారం ఎక్కువగా తిన్నా, విటమిన్‌ బి6, సి లోపం, విటమిన్‌ డి అధికంగా ఉన్నా, మద్యం ఎక్కువగా తాగేవారికి, ఆలస్యంగా భోజనం చేస్తున్నా.. రాళ్లు ఏర్పడే అవకాశం ఉంది. కిడ్నీలో రాళ్లకు సకాలంలో చికిత్స తీసుకోకపోతే.. రాళ్ల పరిమాణం పెరిగి.. శస్త్రచికిత్సకు దారితీసే అవకాశం ఉంది. రాళ్లను కరిగించడానికి.. అనేక మందులు, చికిత్సలు అందుబాటులో ఉన్నాయి. అయితే, కొన్ని హోంరెమిడీస్‌ కిడ్నీలో రాళ్లను కరిగిస్తాయి. అవేంటో ఈ స్టోరీలో చూద్దాం.​

డాండెలైన్‌..

డాండెలైన్ ఒక ఆయుర్వేద మూలిక. ఎన్సీబీఐలో ప్రచురించిన ఒక అధ్యయనం ప్రకారం, దీని రసం మూత్ర నాళంలో క్రిస్టల్ డిపాజిట్లను తగ్గిస్తుంది. డాండెలైన్‌ టీను తరచుగా తీసుకుంటే.. మూత్రపిండాల రాళ్లు కరుగుతాయని, కిడ్నీ సమస్యలను తగ్గిస్తుందని, కిడ్నీ సమస్యల ముప్పును తగ్గిస్తుందని నిపుణులు చెబుతున్నారు. 

నీళ్లు తాగండి..

రోజుకు 6 నుంచి 8 గ్లాసుల నీళ్లు తాగితే.. కిడ్నీలో రాళ్లు కరుగుతాయని నిపుణులు అంటున్నారు. ఇది రాళ్లను కరిగించడానికి ఎఫెక్టివ్‌, సులభమైన మార్గం అని చెప్పొచ్చు. నీళ్లకు ప్రత్యామ్నాయంగా.. దానిమ్మ రసం, నిమ్మరసం, సూప్‌ వంటి లిక్విడ్‌ ఫుడ్స్‌ తీసుకుంటే.. కిడ్నీలో రాళ్ల సమస్య పరిష్కారం అవుతుంది. ఇవి చిన్న రాళ్లను బయటకు పంపించడమే కాకుండా.. అవి పెరగకుండా నిరోధిస్తాయి. 

తులసి..

తులసి టీలో ఎసిటిక్‌ యాసిడ్‌ అధికంగా ఉంటుంది. ఇది కిడ్నీలో రాళ్ల కారణంగా వచ్చే నొప్పి నుంచి ఉపశమనం ఇస్తుంది. చిన్న సైజ్‌లో ఉన్న రాళ్లను శక్తి ఎసిటిక్‌ యాసిడ్‌కు ఉందని నిపుణులు చెబుతున్నారు. తులసిలోని యాంటీ-లిథియాసిస్ లక్షణాలు రాళ్ల పరిమాణాన్ని విచ్ఛిన్నం చేయడంలో, కుదించడంలో, అవి ఏర్పడకుండా నిరోధిస్తుందని నిపుణులు చెబుతున్నారు. (image source - యాపిల్‌ సైడర్‌ వెనిగర్‌..

కిడ్నీలపై ఆక్సీకరణ ఒత్తిడని తగ్గించడానికి యాపిల్‌ సైడర్‌ వెనిగర్‌ ప్రభావవంతంగా పనిచేస్తుందని నిపుణులు చెబుతున్నారు. ఇది శరీరంలో యాంటీఆక్సిడెంట్‌ స్థాయిని పెంచుతుంది, రక్తంలో చక్కెర స్థాయిని నియంత్రిస్తుంది, మూత్రపిండాల సమస్యలను దూరం చేస్తుంది. యాపిల్‌ సైడర్‌ వెనిగర్‌లోని సిట్రిక్‌ యాసిడ్‌.. మూత్రపిండాల రాళ్లను కరిగించడంలో సహాయపడుతుందని NCBI నివేదిక స్పష్టం చేసింది.

కాల్షియం రిచ్‌ ఫుడ్స్‌.. 

కాల్షియం ఆక్సలేట్ కిడ్నీలో స్టోన్స్‌లో అత్యంత సాధారణ రకం. కాల్షియం అధికంగా ఉండే ఆహారాలు రాళ్లను తింటే.. కిడ్నీలో రాళ్లు వచ్చే అవకాశం ఉందని చాలా మంది అనుకుంటారు. అయితే ఇది అపోహ మాత్రమే. మీ డైట్‌లో పాలు , పెరుగు, చీజ్ వంటి కాల్షియం రిచ్‌ ఫుడ్స్‌ తింటే.. కిడ్నీలో రాళ్లు ఏర్పడే అవకాశాలు తగ్గితాయని అధ్యయనాలు చెబుతున్నాయి.

గోధుమ గడ్డి రసం..

గోధుమ గడ్డి రసంలోని సమ్మేళనాలు మూత్రవిసర్జనను పెంచుతాయి, ఇది రాళ్లను మరింత సులభంగా పాస్ చేస్తుంది. గోధుమ గడ్డిలో యాంటీఆక్సిడెంట్లు మెండుగా ఉంటాయి. ఇది మూత్రనాళంలో కాల్షియం నిల్వలను తొలగించడానికి తోడ్పడుతుంది. మీరు కిడ్నీ స్టోన్స్‌ సమస్యతో బాధపడుతుంటే.. గోధమ గడ్డి రసాన్ని తాగండి.