అరుదైన రికార్డు చేరువలో అశ్విన్
sports | Suryaa Desk | Published : Tue, Feb 13, 2024, 11:59 AM
రాజ్‌కోట్ వేదికగా గురువారం నుంచి ప్రారంభం కానున్న మూడో టెస్టులో ఇంగ్లండ్‌తో తలపడేందుకు టీమిండియా సిద్ధమైంది. ఇప్పటికే రాజ్ కోట్ చేరుకున్న భారత జట్టు నెట్స్ లో తీవ్రంగా శ్రమిస్తోంది. ఈ సిరీస్‌లో మూడో టెస్టుకు ముందు భారత వెటరన్ స్పిన్నర్ రవిచంద్రన్ అశ్విన్ అరుదైన రికార్డును తన ఖాతాలో వేసుకున్నాడు.
రాజ్‌కోట్ టెస్టులో అశ్విన్ మరో 4 వికెట్లు తీస్తే.. స్వదేశంలో టెస్టు క్రికెట్‌లో అత్యధిక వికెట్లు తీసిన బౌలర్‌గా అవతరిస్తాడు. భారత్‌లో అశ్విన్ ఇప్పటి వరకు 346 వికెట్లు తీశాడు. ప్రస్తుతం భారత స్పిన్ దిగ్గజం అనిల్ కుంబ్లే 350 వికెట్లతో అగ్రస్థానంలో ఉన్నాడు. అయితే అశ్విన్ మరో నాలుగు వికెట్లు తీస్తే కుంబ్లే ఆల్ టైమ్ రికార్డును బ్రేక్ చేస్తాడు. అదేవిధంగా అశ్విన్ మరో వికెట్ తీస్తే టెస్టుల్లో 500 వికెట్ల మైలురాయిని చేరుకుంటాడు. ఈ ఘనత సాధించిన తొమ్మిదో క్రికెటర్‌గానూ, రెండో భారత బౌలర్‌గానూ అశ్విన్ నిలిచాడు.
|
|
