సీనియర్లకు బెస్ట్ ఆప్షన్.. 3 ఏళ్ల ఎఫ్‌డీ స్కీమ్.. ఈ బ్యాంకుల్లో 8.1 శాతం మేర వడ్డీ!

ప్రస్తుతం బ్యాంకులు డిపాజిట్లపై మంచి వడ్డీ రేట్లు అందిస్తున్నాయి. కొన్ని బ్యాంకులు వడ్డీ రేట్ల పెంపు ప్రకటనలు చేస్తున్నాయి. ఇప్పుడు సీనియర్ సిటిజన్లకు గరిష్ఠ వడ్డీ రేట్లు ఆఫర్ చేస్తున్నాయి. బ్యాంకులో ఫిక్స్‌డ్ డిపాజిట్ చేయాలనుకుంటున్న వారికి అధిక లాభం ఉంటుందని చెప్పుకోవచ్చు. మూడేళ్ల మెచ్యూరిటీ పీరియడ్ కలిగిన ఫిక్స్‌డ్ డిపాజిట్లపై కొన్ని బ్యాంకులు సీనియర్ సిటిజన్లకు గరిష్ఠంగా 8.1 శాతం వరకు వడ్డీ రేట్లు ఆఫర్ చేస్తున్నాయి. అందులో ప్రభుత్వ రంగ, ప్రైవేట్ బ్యాంకులు సైతం ఉన్నాయి. రూ.2 కోట్ల లోపు ఉండే డిపాజిట్లకు ఈ వడ్డీ రేట్లు వర్తిస్తాయి. ఇప్పుడు మనం 14 ప్రైవేట్, ప్రభుత్వ బ్యాంకుల లిస్ట్ పరిశీలిద్దాం. ఆయా బ్యాంకుల్లో 3 ఏళ్ల టెన్యూర్ పై సీనియర్ సిటిజన్లకు ఎంత వడ్డీ రేట్లు ఉన్నాయో తెలుసుకుందాం.

డీసీబీ బ్యాంక్ :

డీసీబీ బ్యాంకులో 26 నెలల నుంచి 37 నెలల టెన్యూర్ కలిగిన ఫిక్స్‌డ్ డిపాజిట్లపై సీనియర్ సిటిజన్లకు గరిష్ఠంగా 8.1 శాతం వడ్డీ ఆఫర్ చేస్తోంది. డబ్బులుంటే అధిక లాభం వస్తుందని చెప్పవచ్చు.

ఆర్‌బీఎల్ బ్యాంక్ :

ఆర్‌బీఎల్ బ్యాంకులో 24 నెలల నుంచి 36 నెలల మధ్య టెన్యూర్ ఉండే డిపాజిట్లపై సీనియర్ సిటిజన్లకు 8 శాతం వడ్డీ లభిస్తోంది.

యెస్ బ్యాంక్:

ఈ ప్రైవేట్ బ్యాంక్ అయిన యెస్ బ్యాంకులోనూ సీనియర్ సిటిజన్ ఎఫ్‌డీ 36 నెలల నుంచి 60 నెలలలోపు టెన్యూర్లపై వడ్డీ రేటు 8 శాతంగానే ఉంది.

బంధన్ బ్యాంక్ :

బంధన్ బ్యాంకులో సీనియర్ సిటిజన్ ఎఫ్‌డీ మూడేళ్ల నుంచి 5 ఏళ్లలోపు టెన్యూర్ ఉన్న వాటికి 7.75 శాతం వడ్డీ అందిస్తోంది.

బ్యాంక్ ఆఫ్ బరోడా:

ప్రభుత్వ రంగ బ్యాంక్ అయిన బ్యాంక్ ఆఫ్ బరోడాలో రెండేళ్ల నుంచి మూడేళ్లలోపు ఉండే సీనియర్ సిటిజన్ ఎఫ్‌డీలపై 7.75 శాతం వడ్డీ అందిస్తోంది.

ఐడీఎఫ్‌సీ బ్యాంక్ :

ఐడీఎఫ్‌సీ బ్యాంకులో రెండేళ్ల నుంచి మూడేళ్ల టెన్యూర్ డిపాజిట్లపై సీనియర్ సిటిజన్ ఫిక్స్‌డ్ డిపాజిట్లకు వడ్డీ రేటు 7.75 శాతంగా ఉంది.

ఇండస్ ఇండ్ బ్యాంక్:

ఈ ప్రైవేట్ బ్యాంకులో రెండేళ్ల 9 నెలల నుంచి మూడేళ్ల మూడు నెలల వరకు టెన్యూర్ కలిగిన డిపాజిట్లపై సీనియర్ సిటిజన్లకు 7.75 శాతం వడ్డీ ఆఫర్ చేస్తోంది.

యాక్సిస్ బ్యాంక్ :

దిగ్గజ ప్రైవేట్ రంగ బ్యాంక్ యాక్సిస్ బ్యాంకులో సీనియర్ సిటిజన్ డిపాజిట్లు మూడేళ్ల నుంచి 5 ఏళ్లలోపు మెచ్యూరిటీ పీరియడ్ ఉన్న వాటికి వడ్డీ రేటు 7.6 శాతం వడ్డీ లభిస్తోంది.

కోటక్ మహీంద్రా బ్యాంక్:

ఈ బ్యాంకులో మూడేళ్ల టెన్యూర్ సీనియర్ సిటిజన్ ఎఫ్‌డీ పై వడ్డీ రేటు 7.6 శాతంగా ఉంది.

పంజాబ్ నేషనల్ బ్యాంక్:

ఈ ప్రభుత్వ రంగ బ్యాంకులో రెండేళ్ల నుంచి మూడేళ్ల మెచ్యూరిటీ పీరియడ్ సీనియర్ సిటిజన్ ఎఫ్‌డీ పై వడ్డీ రేటు 7.5 శాతంగా ఉంది.

హెచ్‌డీఎఫ్‌సీ బ్యాంక్:

ఈ ప్రైవేట్ రంగ అతిపెద్ద బ్యాంకులో రెండేళ్ల 11 నెలల నుంచి మూడేళ్ల టెన్యూర్ డిపాజిట్లపై సీనియర్ సిటిజన్లకు వడ్డీ రేటు 7.5 శాతంగా ఉంది.

ఐసీఐసీఐ బ్యాంక్ :

ఐసీఐసీఐ బ్యాంకులో రెండేళ్ల నుంచి మూడేళ్ల ఫిక్స్‌డ్ డిపాజిట్లపై సీనియర్ సిటిజన్లకు వడ్డీ రేటు 7.5 శాతంగా ఆఫర్ చేస్తోంది.

కరూర్ వైశ్య బ్యాంక్ :

ఈ బ్యాంకులో 2-3 ఏళ్ల మెచ్యూరిటీ పీరియడ్ పైన సీనియర్ సిటిజన్లకు వడ్డీ రేట్లు 7.4 శాతంగా ఉన్నాయి.

కెనరా బ్యాంక్ :

ఈ ప్రభుత్వ రంగ బ్యాంకులో మూడేళ్ల నుంచి 5 ఏళ్లలోపు టెన్యూర్ ఉండే డిపాజిట్లపై సీనియర్ సిటిజన్లకు వడ్డీ రేటు 7.3 శాతంగా ఆఫర్ చేస్తోంది.