‘ప్లేయర్ ఆఫ్‌ ది సిరీస్‌’గా యశస్వి
sports | Suryaa Desk | Published : Sat, Mar 09, 2024, 03:06 PM
ఇంగ్లాండ్‌తో జరిగిన ఐదు మ్యాచ్‌ల సిరీస్‌ను 4-1తో భారత్ గెలుచుకుంది. ఈ సిరీస్‌ మొత్తం అద్భుత ప్రదర్శన చేసిన భారత యువ బ్యాటర్ యశస్వి జైస్వాల్‌‌ను ‘ప్లేయర్ ఆఫ్‌ ది సిరీస్‌’ అవార్డు వరించింది. మొత్తం 9 ఇన్నింగ్స్‌ల్లో 712 పరుగులు చేశాడు. ఐదో మ్యాచ్‌లో 9 వికెట్లు తీసిన కుల్దీప్ యాదవ్‌కు ‘ప్లేయర్ ఆఫ్‌ ది మ్యాచ్‌’ అవార్డు దక్కింది.
ఐదో టెస్టులో టీమిండియా ఘన విజయం సాధించింది. ఇన్నింగ్స్‌లో ఇంగ్లండ్‌పై భారత్ 64 పరుగుల తేడాతో విజయం సాధించింది. 259 పరుగుల వెనకంజతో రెండో ఇన్నింగ్స్ ప్రారంభించిన ఇంగ్లండ్ 195 పరుగులకే కుప్పకూలింది. భారత బౌలర్లలో వెటరన్ స్పిన్నర్ రవిచంద్రన్ అశ్విన్ 5 వికెట్లతో చెలరేగాడు. ఇంగ్లండ్ బ్యాట్స్‌మెన్‌లో జో రూట్ (84) ఒంటరి పోరాటం చేశాడు.
టీమిండియా, ఇంగ్లండ్ జట్ల మధ్య జరుగుతున్న ఐదో టెస్టు మూడో రోజు ఆట ప్రారంభమైంది. ధర్మశాలలో శనివారం 473/8 ఓవర్‌నైట్ స్కోరుతో భారత్ ఆట ప్రారంభించింది. భారత కెప్టెన్ రోహిత్ శర్మ వెన్నునొప్పితో బాధపడుతుండగా, బుమ్రా కేర్‌టేకర్ కెప్టెన్‌గా వ్యవహరిస్తున్నాడు. కాగా, భారత్ తొలి ఇన్నింగ్స్‌లో 124.1 ఓవర్లలో 477 పరుగులకు ఆలౌటైంది.
|
|
