పాన్ కార్డు ఉన్న వారికి అలర్ట్.. పాన్ మోసాలకు ఇలా చెక్ పెట్టండి

బ్యాంక్ అకౌంట్, డీమ్యాట్ అకౌంట్ తెరవాలన్నా పన్ను రిటర్నులు దాఖలు చేయాలన్నా అవసరమయ్యే ముఖ్యమైన డాక్యుమెంట్ పాన్ కార్డు. అయితే ఈ పాన్ కార్డు నంబర్ ఉపయోగించి సైబర్ నేరగాళ్లు అనేక మోసాలు చేస్తున్నారు. అనేక వెస్ సైట్స్ పాన్ కార్డు సమాచారం అవసరం కాబట్టి మోసగాళ్లు నంబర్‌ను పొందడం, నేరాలకు పాల్పడడం పెరుగుతోంది. ఆర్థిక స్థితితో సంబంధం లేకుండా ప్రతి ఒక్కరూ ఈ పత్రాన్ని పొందచ్చు. పాన్ కార్డు అనేది 10 అంకెల ప్రత్యేక గుర్తింపు అల్ఫాన్యూమరిక్ నంబర్. దీన్ని ప్రతి ఒక్కరూ తీసుకోవం చాలా అవసరం. ముఖ్యంగా పన్ను చెల్లించే వ్యక్తులు, సంస్థలు పాన్ తప్పక కలిగి ఉండాలి. భారత ప్రభుత్వం జారీ చేసిన ముఖ్యమైన పత్రాన్ని ఆదాయపు పన్ను చెల్లింపుదారుడిని గుర్చించేందుకు వారి డబ్బుకు సంబంధించిన ఇన్ ఫ్లో అవుట్ ఫ్లో ట్రాక్ చేయడానికి ఉపయోగిస్తుంది. కాబట్టి ఒక వ్యక్తికి సంబంధించిన అన్ని ఆర్థిక ట్రాన్సాక్షన్లు, పన్ను వివరాలను పాన్ కార్డు నంబర్ ఉపయోగించి ట్రాక్ చేయొచ్చు.

పాన్ నంబర్ చోరీ

చాలా మంది పాన్ కార్డును తమ గుర్తింపు రుజువుగా కూడా ఉపయోగిస్తారు. ఇలాంటి చోట్ల ఎక్కువగా పాన్ కార్డు నంబర్ మోసగాళ్లు చోరీ చేస్తున్నారు. భరాత్‌లో అనేక ప్రముఖుల పాన్ నంబర్లను ఉపయోగించి, స్కామర్లు మోసాలకు పాల్పడిన సందర్భాలు ఇప్పటికే చాలానే నమోదయ్యాయి. మోసగాళ్లు, సైబర్ నేరస్థులు పాన్ కార్డు వివరాలను స్కిమ్మింగ్, విషింగ్, ఫిషింగ్ వంటి విభిన్న పద్ధతులను ఉపయోగిస్తారు. దీంతో చాలా మంది మసాలకు గురవుతున్నారు. పెరుగుతున్న సాంకేతిక పరితజ్ఞానం, ఆన్‌లైన్ గుర్తింపు పత్రాలు, డిజిటల్ లావాదేవీలతో చెల్లించడం, టికెట్లు బుక్ చేసుకోవడం, రుణాల కోసం దరఖైస్తు చేయడం వంటి రోజువారీ కార్యకలాపాలు సులభతరం అయ్యాయి. కానీ, ఆన్‌లైన్ ప్లాట్ ఫామ్స్ వినియోగంతో ఐడెంటీ చోరీ, సైబర్ క్రైమ్స్ పెరుగుతున్నాయి. కాబట్టి ప్రతి ఒక్కరూ తమ పాన్ కార్డును ఆన్‌లైన్‌లో సురక్షితంగా ఉపయోగించడం, కీలకమైన సమచారాన్ని రక్షించుకోవడం చాలా అవసరం.

 హ్యాకర్లు, సైబర్ నేరగాళ్లు వారి ప్రయోజనం కోసం ఇతరులు ఉపయోగించే వివరాల కోసం నిరంతరం వెతుకుతారు. పాన్ కార్డులు ఒక వ్యక్తికి సంబంధించిన పేరు, పుట్టిన తేదీ, ఫ్రోటోగ్రాఫ్, పాన్ నంబర్, సంతకం వంటి కీలకమైన సున్నితమైన సమాచారాన్ని కలిగి ఉంటాయి. ఈ వ్యక్తిగత సమాచారం మోసగాళ్లకు అందుబాటలో ఉంటే, అది వివిధ మార్గాల్లో దుర్వినియోగం కావచ్చు. వారు మీ పేరు మీద కొత్తగా బ్యాంక్ అకౌంట్ తెరవడానికి, ఆ అకౌంట్ నుంచి చట్టవిరుద్ధమైన కార్యకలాపాలను నిర్వహించడానికి పాన్ కార్డు ఉపయోగించవచ్చు. లోన్లు, క్రెడిట్ కార్డుల కోసం దరఖాస్తు చేయడానికి మోసగాళ్లు పాన్ నంబర్ ఉపయోగించవచ్చు. ఆ తర్వాత లోన్ చెల్లించకుండా మిమ్మల్ని బాధ్యులను చేయవచ్చు.

పాన్ కార్డు మోసం అనేది ఏదైన ఆర్థిక సాధారణ నేర కార్యకలాపాల కోసం దానిని దుర్వినియోగం చేయడాన్ని సూచిస్తుంది. ఏదైనా మోసం నుంచి తప్పించుకోవడానికి మీ పాన్ కార్డుకు సంబంధించిన ప్రామాణికతను ధ్రువికరించడం చాలా ముఖ్యం, ఎన్ఎస్‌డీఎల్, భారత ఆదాయ పన్ను శాఖ వంటి అధికారిక వెబ్ సైబ్స్ ను సందర్శించడం ద్వారా పాన్ కార్డు చెల్లుబాటును ధ్రువీకరిచవచ్చు. మీ క్రెడిట్ స్కోరును తనిఖీ చేయడం ద్వారా ఎవరైనా మీ పాన్ కార్డు నంబర్ దుర్వినియోగం చేస్తున్నారో లేదా కూడా మీరు గుర్తించవచ్చు. మీ క్రెడిట్ స్కోరును పర్యవేక్షించడం వల్ల మీరు తీసుకొని అనధికార లోన్లు చూడొచ్చు. మీ క్రెడిట్ స్కోరు ఏవైనా మార్పులను కనుగొంటే మీ వివరాలను ఎవరైనా ఉపయోగించారని అర్థం.

పాన్ కార్డులో ఎలాంటి అనుమానాస్పద ట్రాన్సాక్షన్లు జరగకుండా చూసుకోవడానికి మీ బ్యాంక్ అకౌంట్, ఆర్థిక ట్రాన్సాక్షన్లపై నిఘా ఉంచండం, మీరు చేయని ఏదైనా ట్రాన్సాక్షన్లు తెలుసుకోవడానికి లేదా నివేదించడానికి మీ క్రెడిట్ స్కోరు ఆదాయపు పన్ను ఫారం 26ఏ తనిఖీ చేస్తూ ఉండాలి. ఈ ఫారం మీ ఫాన్ ఉపయోగించి నిర్వహించే అన్న ట్రాన్సాక్షన్లను కలిగి ఉంటుంది. ఏవైనా వ్యత్యాసాలు ఉంటే వాటిని సులభంగా ధ్రువీకరించవచ్చు. సిబిల్ వెబ్‌సైట్ ఉపయోగించి మీ క్రెడిట్ స్కోరును ఎప్పటికప్పుడు తనిఖీ చేయండి, మీకు తెలియని క్రెడిట్ కార్డు లేదా మీ పేరుతో తెరిచిన రుణాలు లేవని నిర్థరించుకోవాలి.