నేడు ఇండియా vs శ్రీలంక ఆఖరి టీ20ఐ మ్యాచ్....
sports | Suryaa Desk | Published : Tue, Jul 30, 2024, 12:08 PM
శ్రీలంకతో జరుగుతున్న మూడు టీ 20ల సిరీస్ లో భాగంగా ఆఖరి మ్యాచ్ నేడు పల్లెకెలే మైదానంలో జరగనుంది. ఇప్పటికే రెండు టీ 20లు నెగ్గి సిరీస్ కైవసం చేసుకున్న టీమ్ ఇండియా మూడోది కూడా గెలిచి క్లీన్ స్వీప్ చేయాలని భావిస్తోంది. కనీసం ఇదొక్కటైనా గెలిచి పరువు నిలబెట్టుకోవాలని శ్రీలంక చూస్తోంది. శ్రీలంక ఓడిపోతున్నా సరే, వారి పోరాట పటిమ ఆకట్టుకుంటోందని నెటిజన్లు కామెంట్ చేస్తున్నారు. రెండు జట్లు పైకి సమఉజ్జీలుగా కనిపిస్తున్నా భారత్ దే పై చేయి అయింది. భారత్ అటు బౌలింగ్, ఇటు బ్యాటింగ్ పరంగా సత్తా చాటడంతో రెండు మ్యాచ్ లలోనూ విజయం సాధించింది.
మరోవైపు శ్రీలంక పరంగా చూస్తే కెప్టెన్ చరిత్ పెద్దగా ఆకట్టుకోవడం లేదు. రెండు మ్యాచ్ ల్లో ఓటమి పాలయ్యారు. మరి నేటి మ్యాచ్ లోనైనా ఆకట్టుకుని కెప్టెన్ ఇన్నింగ్స్ ఆడి, జట్టుని గెలిపించాలని శ్రీలంక అభిమానులు కోరుకుంటున్నారు. బోర్డు పెట్టిన నమ్మకాన్ని వమ్ము చేయడని వారు చెబుతున్నారు. మరి నేటి మ్యాచ్ లో ఏం జరుగుతుందనేది వేచి చూడాల్సిందే.
|
|