ఢిల్లీ మేయర్ ఎన్నికల్లో ఆప్ కౌన్సిలర్ మహేష్ ఖేడీ విజయం
national | Suryaa Desk | Published : Thu, Nov 14, 2024, 07:55 PM
దేశ రాజధాని నగరం దిల్లీ మేయర్ ఎన్నికల్లో ఆప్ (AAP) విజయం సాధించింది. ఆ పార్టీకి చెందిన కౌన్సిలర్ మహేశ్‌ కుమార్‌ ఖించి కొత్త మేయర్‌గా ఎన్నికయ్యారు. దిల్లీ మున్సిపల్‌ కార్పొరేషన్‌ మేయర్ ఎన్నిక ఆప్-భాజపా మధ్య హోరాహోరీగా కొనసాగింది. కరోల్‌బాగ్‌లోని దేవ్‌నగర్‌ కౌన్సిలర్‌గా ఉన్న మహేశ్‌ ఖించికి 133 ఓట్లు రాగా.. భాజపా అభ్యర్థికి 130 ఓట్లు వచ్చాయి. దీంతో స్వల్ప మెజార్టీతో ఆప్ అభ్యర్థి నెగ్గారు. మొత్తంగా 265 ఓట్లు పోలవ్వగా.. రెండు ఓట్లు చెల్లనివిగా అధికారులు ప్రకటించారు. ఎస్సీ సామాజికవర్గం నుంచి మూడో మేయర్‌గా మహేశ్‌ ఖించి రికార్డు సృష్టించారు. ఈ ఎన్నికల్లో ఆప్ ఎంపీలు సంజయ్‌ సింగ్‌, ఎన్‌డీ గుప్తా, భాజపాకు చెందిన ఏడుగురు ఎంపీలు ఓటు వేశారు. మరోవైపు, మేయర్, డిప్యూటీ మేయర్ ఎన్నికలను కాంగ్రెస్‌ పార్టీ బహిష్కరిస్తున్నట్లు ప్రకటించింది. ఈ నేపథ్యంలో కాంగ్రెస్‌ కౌన్సిలర్ సబిలా బేగమ్‌ ఆ పార్టీ ప్రాథమిక సభ్యత్వానికి రాజీనామా చేయడం గమనార్హం. వాస్తవానికి ఈ ఏడాది ఏప్రిల్‌లోనే ఈ ఎన్నికలు జరగాల్సి ఉన్నప్పటికీ.. ఆప్, భాజపా మధ్య పోరుతో వాయిదా పడుతూ వచ్చాయి. కొత్త మేయర్ ఐదు నెలలు మాత్రమే ఆ పదవిలో కొనసాగే అవకాశం ఉన్నట్లు తెలుస్తోంది.
|
|