మహారాష్ట్రలో కూడా పవన్ కు మాస్ ఫాలోయింగ్
Andhra Pradesh Telugu | Suryaa Desk | Published : Sun, Nov 17, 2024, 04:16 PM
పవన్ కళ్యాణ్ కు మన తెలుగు రాష్ట్రాల్లో ఉన్న క్రేజ్ తెలిసిందే. ఆయన సభ పెట్టినా, రోడ్ షో చేసినా జనాలు, ఫ్యాన్స్ భారీగా వస్తారు. ఇటీవల ఏపీ ఎన్నికల్లో భారీగా గెలవడం, పోటీ చేసిన అన్ని స్థానాల్లోనూ గెలవడంతో పవన్ పేరు దేశమంతా మారుమ్రోగింది.దానికి తోడు నరేంద్రమోడీ నేషనల్ మీడియా ముందు జాతీయ సభలో ఇతను పవన్ కాదు సునామి అంటూ పొగడటంతో వేరే రాష్ట్రాల్లో కూడా పవన్ కి ఫ్యాన్ ఫాలోయింగ్ పెరిగింది. వేరే రాష్ట్రాల్లోని రాజకీయ నాయకులు కూడా పవన్ ని తెగ పొగిడేస్తున్నారు.దీంతో పవన్ క్రేజ్ ని బీజేపీ వాడుకుంటుంది. త్వరలో మహారాష్ట్రలో ఎన్నికలు జరుగుతుండటంతో అక్కడ NDA తరపున పవన్ కళ్యాణ్ తో ప్రచారం చేయిస్తున్నారు. దీంతో పవన్ ప్రస్తుతం మహారాష్ట్రలోని పలు నియోజకవర్గాల్లో NDA అభ్యర్థుల తరపున ప్రచారం చేస్తున్నారు. రోడ్ షోలు, సభల్లో పాల్గొంటున్నారు. అయితే పవన్ అక్కడికి వెళ్లడంతోనే NDA నాయకులు భారీ స్వాగతం పలకడం ఒక ఎత్తైతే అక్కడ పవన్ రోడ్ షోలకు, సభలకు కూడా భారీగా జనాలు రావడంతో ఆశ్చర్యపోతున్నారు.
|
|