ఎస్‌బీఐ నుంచి మరో కొత్త స్కీమ్.. డిసెంబర్ 4 నుంచే షురూ
business | Suryaa Desk | Published : Mon, Dec 02, 2024, 10:20 PM
ఈక్విటీల్లో పెట్టుబడులు పెట్టేందుకు రెండు మార్గాలు ఉన్నాయి. నేరుగా స్టాక్ మార్కెట్లో ఇన్వెస్ట్ చేయడం లేదా మ్యూచువల్ ఫండ్స్ ద్వారా పెట్టుబడి పెట్టడం. ఇటీవలి కాలంలో ఎక్కువ మంది మ్యూచువల్ ఫండ్స్‌నే ఎంచుకుంటున్నారు. చాలా రకాల ఫండ్స్ హైరిటర్న్స్ ఇస్తుండడం, ఈజీగా పెట్టుబడి పెట్టేందుకు అవకాశం ఉండడం కారణాలుగా చెప్పవచ్చు. ఈ క్రమంలో చాలా అసెట్ మెనేజ్మెంట్ సంస్థలు కొత్త కొత్త ఫండ్స్ అందుబాటులోకి తీసుకొస్తున్నాయి. స్టేట్ బ్యాంక్ ఆఫ్ ఇండియా అనుబంధ సంస్థ అయిన ఎస్‌బీఐ మ్యూచువల్ ఫండ్స్ సైతం ఈ వారం మరో కొత్త పథకం తీసుకొచ్చింది. అదే ఎస్‌బీఐ క్వాంట్ ఫండ్ డైరెక్ట్
ఎస్‌బీఐ క్వాంట్ ఫండ్ డైరెక్ట్ ఫండ్ అనేది ఒక ఈక్వీటీ ఫోకస్డ్ ఫండ్. ఇది మంచి నిర్మాణాత్మక పెట్టుబడి పరిష్కారాన్ని అందిస్తుంది. ప్రొప్రైటరీ క్వాంటిటేవిట్ మోడల్ ఉపయోగించి, ఫండ్ డైనమిక్, బ్యాలెన్స్‌డ్ పోర్ట్ ఫోలియోను నిర్మించేందుకు ప్రాథమిక, సాంకేతిక అంశాలను ఏకీకృతం చేస్తుంది. ఈ స్కీమ్ బెంచ్ మార్క్ ఇండెక్స్ నిఫ్టీ 200 టీఆర్ఐగా ఉంది. ఈ స్కీమ్ రిస్క్‌లను ప్రభావవంతంగా నిర్వహించేలా రూపొందించినట్లుగా ఏఎంసీ తెలిపింది. దీర్ఘకాలంలో పెట్టుబడులపై హైరిటర్న్స్ అందించడమే లక్ష్యంగా ఈ ఫండ్ తీసుకొస్తున్నట్లు పేర్కొంది. ఈక్విటీలు, ఈక్విటీ సంబంధిత మార్గాల్లో పెట్టుబడులు పెట్టనుంది. క్వాటిటేటివ్ మోడల్ వ్యూహం ద్వారా పెట్టుబడుల పోర్ట్ ఫోలియోను నిర్మించి పెట్టుబడులను నిర్వహించనుంది.
ఎస్‌బీఐ క్వాంట్ ఫండ్ అనేది ఈక్విటీ థెమాటిక్ కేటగిరీకి చెందిన ఒక ఫండ్. ఈ న్యూ ఫండ్ ఆఫర్ (NFO) సబ్‌స్క్రిప్షన్ డిసెంబర్ 4, 2024 నుంచి ప్రారంభం కానుంది. డిసెంబర్ 18వ తేదీ వరకు సబ్‌స్క్రైబ్ చేసుకునేందుకు అవకాశం ఉంటుంది. ఈ స్కీమ్ కనీస పెట్టుబడి రూ.5 వేలుగా ఉంది. ఆ తర్వాత ఎంతైనా ఇన్వెస్ట్ చేయొచ్చు. ఇందులో ఎంట్రీ లోడ్ ఏమీ ఉండదు. కానీ, ఎగ్జిట్ లోడ్ మాత్రమే 6 నెలలలోపు ఫండ్స్ వెనక్కి తీసుకుంటే 0.5 శాతంగా ఉంటుంది. ఈ స్కీమ్ ఫండ్ మేనేజర్‌గా సుకన్య ఘోష్ వ్యవహరిస్తున్నారు.
|
|