4 రూపాయల నుంచి రూ. 730కి పెరిగిన స్టాక్.. ఐదేళ్లలో లక్షకు రూ. 1.68 కోట్లు వచ్చాయ్

పెట్టుబడులు పెట్టేందుకు చాలా ఆప్షన్లు ఉంటాయి. మ్యూచువల్ ఫండ్స్, స్టాక్ మార్కెట్లు, కేంద్ర ప్రభుత్వ పథకాలు, సావరిన్ గోల్డ్ బాండ్లు, రియల్ ఎస్టేట్ ఇలా చాలానే ఆప్షన్లు ఉన్నాయి. రిస్క్ ఉన్నప్పటికీ ఎక్కువ రిటర్న్స్ కోసం స్టాక్ మార్కెట్లవైపు చాలా మంది ఆకర్షితులవుతుంటారు. అయితే ఇక్కడ కూడా చాలా స్టాక్స్ ఇన్వెస్టర్లకు మంచి రిటర్న్స్ అందిస్తుంటాయి. ఇలా ఇప్పుడు అద్భుత స్థాయిలో రిటర్న్స్ అందించిన ఒక మంచి స్టాక్ గురించి తెలుసుకుందాం. అదే ప్రవేగ్ లిమిటెడ్. ఈ పెన్నీ స్టాక్.. కొన్నేళ్లలోనే మల్టీబ్యాగర్ స్టాక్‌గా అవతరించింది. గత ఐదేళ్లలో చూస్తే.. ఈ స్టాక్ ధర రూ. 4.34 నుంచి రూ. 730 కి చేరింది. ఈ క్రమంలోనే ఏకంగా 15,700 శాతం రిటర్న్స్ ఇచ్చింది.

అంటే.. సరిగ్గా ఐదేళ్ల కిందట ఈ స్టాక్‌లో రూ. లక్ష పెట్టుబడి పెట్టిన వారికి ఇప్పుడు ఏకంగా రూ. 1.68 కోట్లు వచ్చాయి. లక్ష పెట్టుబడితో కోటీశ్వరులయ్యారన్నమాట. అయితే.. ఐదేళ్ల కిందట పెట్టుబడి పెట్టి ఇప్పటికీ స్టాక్‌ను హోల్డ్ చేస్తున్నట్లయితే వారికి ఈ రాబడి వస్తుందని చెప్పొచ్చు. ఈ స్టాక్ దీర్ఘకాలంలో మంచి రిటర్న్స్ ఇచ్చినప్పటికీ.. ఇటీవలి కాలంలో మాత్రం అంతగా రాణించలేదు. ప్రస్తుతం ఈ స్టాక్ ధర రూ. 729.95 వద్ద ఉంది. కంపెనీ మార్కెట్ క్యాపిటలైజేషన్ రూ. 1.89 వేల కోట్లుగా ఉంది. స్టాక్ 52 వారాల గరిష్ట ధర రూ. 1300 కాగా.. కనిష్ట ధర రూ. 627.10 గా ఉంది.

గత 5 రోజుల్లో ఈ స్టాక్ ఒక శాతం రిటర్న్స్ మాత్రమే ఇచ్చింది. నెల రోజుల్లో 0.21 శాతం మాత్రమే పెరిగింది. 6 నెలల్లో మాత్రం నెగెటివ్ రిటర్న్స్ ఇచ్చింది. ఈ క్రమంలో దాదాపు 16 శాతం పడిపోయింది. ఈ ఏడాదిలో ఇప్పటివరకు చూసినా 7 శాతానికిపైగా నష్టపోయింది. ఏడాది వ్యవధిలో 6 శాతం పుంజుకుంది. గత మూడేళ్ల కాలంలో చూసినట్లయితే రూ. 139 నుంచి రూ. 730 కి పెరిగింది. 5 రెట్లకుపైగా రాబడి వచ్చింది. స్టాక్ మార్కెట్లలో పెట్టుబడులు పెట్టే ముందు.. ఆర్థిక నిపుణుల సలహా తీసుకోవాల్సి ఉంటుంది. అప్పుడు పెద్దగా రిస్క్ లేకుండా రిటర్న్స్ అందుకోవచ్చు.