ముఖంపై ముడతలతో చిన్నవయసులోనే పెద్దవారిలా కనిపిస్తున్నారా.. వారానికోసారి ఈ ప్యాక్ వేస్తే సరి

ఎవరైనా సరే యంగ్‌గా కనిపించాలని కోరుకుంటారు. కానీ, వయసు పెరగడం, సరైన కేర్ తీసుకోకపోవడం, పోషకాహార లోపం కారణంగా చాలా మంది ముఖంపై ముడతలు వస్తుంటాయి. వీటి వల్లే చూడ్డానికి పెద్దవారిలా కనిపిస్తుంటారు. వీటిని పోగొట్టుకునేందుకు చాలా మంది కాస్ట్లీ క్రీమ్స్, ట్రీట్‌మెంట్ తీసుకుంటారు. అలా కాకుండా నేచురల్‌గానే ముఖంపై ముడతల్ని తగ్గించుకోవాలంటే కొన్ని ఇంటి చిట్కాలు హెల్ప్ చేస్తాయి. ఈ ఇంటి చిట్కాలన్నీ కూడా ఇంట్లోని పదార్థాలతోనే చేయొచ్చు. దీని వల్ల సైడ్ ఎఫెక్ట్స్ ఉండవు. పెద్దగా ఇబ్బంది కూడా ఉండదు. అలాంటి ఓ యాంటీ ఏజింగ్ ఫేస్ ప్యాక్ గురించి తెలుసుకోండి. దీనికి కావాల్సిన పదార్థాలు, తయారీ విధానం గురించి తెలుసుకోండి.

వేప..

వేప చర్మంపై మొటిమలని దూరం చేయడానికి హెల్ప్ చేస్తుంది. చర్మ సమస్యల్ని దూరం చేయడమే కాకుండా చర్మంపై వృద్ధాప్య సంకేతాల్ని దూరం చేస్తుంది. ఇందులో యాంటీ బ్యాక్టీరియల్ లక్షణాలు మొటిమలు, మచ్చల వంటి చర్మ సమస్యల్ని దూరం చేస్తాయి. దీనిని వాడడం వల్ల చర్మానికి అవసరమైన కొల్లాజెన్ కూడా పెరుగుతుంది.

పెరుగు..

​పెరుగు కూడా చర్మానికి చాలా మంచిది. దీనిని వాడడం చర్మం మృదువుగా మెరుస్తూ కనిపిస్తుంది. ఇందులో లాక్టిక్ యాసిడ్ ఉంటుంది. పెరుగుని ప్యాక్‌లో వేసి స్కిన్‌కి అప్లై చేస్తే స్కిన్ తాజాగా అందంగా మారడమే కాకుండా మొటిమలు తగ్గుతాయి.

వేపాకుతో ఫేస్ ప్యాక్ వేయడం ఎలానో తెలుసుకోండి..

అరటిపండు..

అరటిపండు స్కిన్‌ని హైడ్రేట్ చేయడానికి హెల్ప్ చేస్తుంది. ఈ పండులో పొటాషియం ఉంటుంది. దీని వల్ల వృద్ధాప్య సంకేతాలు తగ్గుతాయి. ఇందులోని విటమిన్స్ బి, ఇ, ఎలు చర్మాన్ని కాంతివంతంగా మార్చడంతో పాటు పిగ్మంటేషన్‌ని దూరం చేస్తుంది. ఈ పండు ఆరోగ్యానికి ఎంత మంచిదో చర్మానికి కూడా అంతే మంచిది.

బియ్యం పిండి..

​బియ్యం పిండి చర్మానికి చాలా మంచిది. ఇది స్కిన్‌పై ఎక్స్‌ఫోలియేటర్‌లా పనిచేస్తుంది. బియ్యం పిండిని వాడడం వల్ల మృత చర్మ కణాలు తొలగిపోతాయి. దీంతోపాటు చర్మం కాంతివంతంగా, అందంగా మెరుస్తుంది. యాంటీ ఇన్‌ఫ్లమేటరీ, యాంటీ ఆక్సిడెంట్ గుణాలు పుష్కలంగా ఉండడం వల్ల చర్మంపై వృద్ధాప్య లక్షణాలు తగ్గుతాయి. దీంతోపాటు, చర్మంపై నలుపుదనం తగ్గుతుంది. బియ్యంపిండిని రెగ్యులర్‌గా వాడితే రిజల్ట్స్ ఉంటాయి.

ప్యాక్ ఎలా తయారుచేయాలి?​

ముందుగా బాగా అరటిపండుని తీసుకుని గుజ్జులా చేయాలి. అందులో ఓ టేబుల్ స్పూన్ బియ్యంపిండి, 2 టేబుల్ స్పూన్ల పెరుగు, వేపాకుల పేస్ట్‌ని వేయండి. వీటన్నింటిని బాగా మిక్స్ చేసి మాస్క్‌లా చేయండి. ఈ మాస్క్‌ని ముఖానికి అప్లై చేసి 5 నిమిషాల తర్వాత బాగా మసాజ్ చేయండి. కళ్ల చుట్టూ ముఖంపై మసాజ్ చేసి 2 నిమిషాల తర్వాత క్లీన్ చేయండి. ఒక్కసారి వాడగానే తేడా మీకే తెలుస్తుంది. రెగ్యులర్‌గా వాడితే మచ్చలు, ముడతలు, మొటిమలు తగ్గుతాయి. ​గమనిక:నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.