మూడేళ్ల బాలికపై 3వ తరగతి విద్యార్థి లైంగిక దాడి

పొద్దున లేచినప్పటి నుంచి రాత్రి పడుకునే వరకూ ప్రతీ ఒక్కరూ తమ చేతిలోని మొబైల్ ద్వారా అనేక వీడియోలు చూస్తుంటారు. ఇన్‌స్టా, ఫేస్‌బుక్, యూట్యూబ్ అంటూ అన్నింట్లోనూ అనేక వీడియోలు చూస్తారు. పొద్దున లేచినప్పటి నుంచి రాత్రి పడుకునే వరకు వారి కన్నంతా వాటిపైనే. ఈ మధ్య చిన్న పిల్లలు సైతం రీల్స్ చూసేందుకు తెగ అలవాటు పడ్డారు. తినడం లేదనో, అల్లరి చేస్తున్నాడనో పిల్లలకు ఫోన్‌లు ఇచ్చేస్తున్నారు తల్లిదండ్రులు.

అలా ఇవ్వడం వల్లే ఓ బాలుడు తాజాగా దారుణానికి ఒడిగట్టాడు. 9 ఏళ్ల వయసు ఉన్న అతడు ప్రస్తుతం మూడో తరగతి చదువుతున్నాడు. ఇంకా లోకం తెలియని ఈ పసివాడు మూడేళ్ల బాలికపై లైంగిక దాడికి పాల్పడ్డాడు. బాలిక తల్లి ద్వారా పోలీసులకు పట్టుబడ్డు ఈ బుడ్డోడు.. ఇలా ఎందుకు చేశావు, ఎవరు చెప్పారు నీకని పోలీసులు అడగ్గా.. ఫోన్‌లో చూసే తానిలా చేసినట్లు ఒప్పుకున్నాడు. ఆ పూర్తి విషయాలు ఏంటో మనం ఇప్పుడు తెలుసుకుందాం.

పుణేకు చెందిన ఓ 9 ఏళ్ల బాలుడు మూడో తరగతి చదువుతున్నాడు. అయితే తరచుగా ఫోన్ చూసే అలవాటు ఉన్న అతడు.. అందులో కొన్ని వీడియోలకు ఆకర్షితుడు అయ్యాడు. అందులో చేసినట్లుగానే చేయాలనుకున్నాడు. ఈక్రమంలోనే అతడు బయటకు వెళ్లగా ఓ మూడేళ్ల చిన్నారి కనిపించింది. తమ కాలనీలోనే ఉండడంతో అతడికి ఆమె ముందు నుంచే తెలుసు. బాలుడిని చూసిన వెంటనే బాలిక.. భయ్యా అంటూ దగ్గరకు వచ్చింది. వెంటనే అతడు వీడియోలో చూసిన విషయాన్ని గుర్తు తెచ్చుకుని బాలికపై లైంగిక దాడికి పాల్పడ్డాడు.

విషయం గుర్తించిన బాలిక తల్లి వెంటనే అతడిని మందలించింది. బాలికను తీసుకుని వెళ్లి పోలీసులకు ఫిర్యాదు చేసింది. కేసు నమోదు చేసుకున్న కొంధ్వా పోలీసులు డిసెంబర్ 15వ తేదీన బాలుడిని అదుపులోకి తీసుకున్నారు. ఈక్రమంలోనే అతడిని విచారించారు. అసలు నువ్వేం చేశావు, ఎలా చేశావు, ఎవరు చెప్తే చేశావంటూ అడగ్గా.. బాలుడు ఫోన్‌లో చూసి బాలికతో తానలా ప్రవర్తించినట్లు చెప్పాడు. ఇది విన్న పోలీసులు షాక్ అయ్యారు. అనంతరం జువైనల్ జస్టిస్ బోర్డు ముందు హాజరుపరిచారు. ఈక్రమంలోనే బాలుడికి బెయిల్ ఇస్తూ.. అతడిని తల్లిదండ్రులకు అప్పగించాలని ఆదేశిచింది.