వార్షిక పరీక్షలు, వేసవి సెలవులు, దసరా, సంక్రాంతి హాలిడేస్‌,,,కొత్త అకడమిక్‌ క్యాలెండర్‌ విడుదల

తెలంగాణ రాష్ట్రంలోని జూనియర్‌ కాలేజీలకు సంబంధించి 2025-26 అకడ‌మిక్ క్యాలెండ‌ర్ విడుద‌లైంది. ఈ అకడ‌మిక్ క్యాలెండ‌ర్ ప్ర‌కారం.. వ‌చ్చే విద్యా సంవ‌త్స‌రం మొత్తం 226 పనిదినాలు ఉండ‌నున్న‌ట్లు తెలంగాణ ఇంట‌ర్ బోర్డు వెల్ల‌డించింది. వేసవి సెలవుల తర్వాత జూన్ 2వ తేదీన ఇంట‌ర్ కాలేజీలు పునఃప్రారంభం కానున్నాయి. సెప్టెంబర్‌ 28 నుంచి అక్టోబర్‌ 5వ తేదీ వరకు దసరా సెలువులు, 2026 జనవరి 11 నుంచి 18వ తేదీ వరకు సంక్రాంతి సెలవులు ప్రకటించారు. 2026 జ‌న‌వ‌రి 19 నుంచి 24 వ‌ర‌కు ప్రీ ఫైన‌ల్ ప‌రీక్ష‌లు నిర్వ‌హించ‌నున్నారు. అలాగే.. ఫిబ్ర‌వ‌రి తొలి వారంలో ప్రాక్టిక‌ల్ ఎగ్జామ్స్ కండ‌క్ట్ చేయ‌నున్నారు. అనంతరం మార్చి మొదటి వారంలో ఫైనల్‌ పరీక్షలు నిర్వహిస్తారు. 2026 మార్చి 31వ తేదీ చివరి పనిదినంగా నిర్ణయించారు.

తెలంగాణ ఇంటర్ అకడమిక్ క్యాలెండర్ 2025-26

2025 జూన్ 2 నుంచి ఇంటర్మీడియట్ తరగతులు ప్రారంభం

2025 సెప్టెంబర్ 28 నుంచి అక్టోబర్ 5 వరకు దసరా సెలవులు

2025 నవంబర్ 10 నుంచి 15 వరకు హాఫ్‌ ఇయర్లీ పరీక్షలు

2026 జనవరి 11 నుంచి 18 వరకు సంక్రాంతి సెలవులు

2026 జనవరి 19 నుంచి 24 వరకు ప్రీ ఫైనల్ పరీక్షలు

2026 ఫిబ్రవరి మొదటి వారంలో ప్రాక్టికల్ పరీక్షలు

2026 మార్చి మొదటి వారంలో ఇంటర్ వార్షిక పరీక్షలు

2026 మార్చి 31 చివరి పనిదినం

2026 ఏప్రిల్ 1 నుంచి మే 31 వరకు వేసవి సెలవులు

2026 మే చివరి వారంలో అడ్వాన్స్‌డ్ సప్లిమెంటరీ పరీక్షలు

2026 జూన్ 1వ తేదీన జూనియర్ కాలేజీల పునః ప్రారంభం

జూన్‌ 1 వరకు సమ్మర్‌ హాలిడేస్‌ :

తెలంగాణలో ఇంటర్‌ విద్యార్థులకు భారీ శుభవార్త ప్రకటించింది ప్రభుత్వం. తెలంగాణలోని అన్ని జూనియర్ కాలేజీల కు సమ్మర్ హాలిడేస్ ప్రకటించింది. ఇటీవలే వార్షిక పరీక్షలు ముగియగా.. అకడమిక్ క్యాలెండర్ ప్రకారం వేసవి సెలవులు ప్రకటించారు. జూన్ 1వ తేదీ వరకు అన్ని ఇంటర్ కాలేజీలకు సమ్మర్ హాలిడేస్ ఉంటాయని.. తిరిగి జూన్ 2వ తేదీన కాలేజీలు పునఃప్రారంభం కానున్నాయని పేర్కొంది. అన్ని కాలేజీలు ఈ ఉత్తర్వులను తప్పక పాటించాలని.. వేసవి సెలవుల్లో క్లాసులు నిర్వహిస్తే కఠిన చర్యలు తీసుకుంటామని ఇంటర్ బోర్డ్ హెచ్చరించింది