జుట్టు రాలడాన్ని తగ్గించి ఒత్తుగా పెంచే స్కాల్ప్ మసాజ్

పెరిగిన ఒత్తిడి, సరిలేని లైఫ్‌స్టైల్, ఇతర సమస్యల కారణంగా జుట్టు రాలుతుంటుంది. పెరగదు. దీని కారణంగా, జుట్టు పల్చబడడం, బట్టతల రావడం, ఇతర సమస్యలొస్తాయి. అయితే, అలా కాకుండా రక్తప్రసరణ పెరిగి కొత్త జుట్టు రావాలంటే ఆయుర్వేదంలో కొన్ని కిటుకులు హెల్ప్ చేస్తాయి. వీటిని ఫాలో అయితే జుట్టు సమస్యలు ఎన్నీ ఉన్నా తగ్గిపోవడమే కాకుండా ఎలాంటి సైడ్ ఎఫెక్ట్స్ లేకుండా జుట్టు ఒత్తుగా పెరుగుతుంది. రోజుకి 5 నిమిషాల పాటు స్కాల్ప్ మసాజ్ చేస్తే చాలు మంచి రిజల్ట్స్ ఉంటాయని అను త్రిపాఠి చెబుతున్నారు.

ఆయుర్వేదం ప్రకారం

ఆయుర్వేదం ప్రకారం మీ తలపై నాడీ వ్యవస్థని అనుసంధానించే ముఖ్య మర్మ బిందువులు ఉంటాయి. వాటిని ప్రేరేపించడం వల్ల రక్తప్రసరణ పెరుగుతుంది. ఒత్తిడి తగ్గి జుట్టు పెరుగుతుంది. స్కాల్ప్‌ని మసాజ్ చేస్తే జుట్టు కుదుళ్లకి రక్తప్రవాహం పెరుగుతుంది. రోజులు పెరిగేకొద్దీ జుట్టు స్ట్రాంగ్‌గా మారుతుంది.

జుట్టు పెరిగేందుకు టిప్స్

ఏం చేయాలి

ముందుగా చేతులని వేడి చేయాలి. అరచేతులతో మెల్లిగా మసాజ్ చేయండి. జుట్టుకి లోపల నుంచి ప్రెజర్ పెరిగేందుకు తలపై మసాజర్‌ని వాడండి. ప్రతిరోజూ 5 నిమిషాల పాటు ఇలా చేయండి. 2, 3 వారాల్లో తేడాని గమనిస్తారు.

తర్వాత చెక్క దువ్వెనతో లేదా మసాజర్‌తో మరోసారి మసాజ్ చేయండి. దీని వల్ల తలకి రక్తప్రసరణ అందుతుంది.

ఏదైనా నూనెతో

నేరుగా మసాజ్ చేసే బదులు ఏదైనా ఆయిల్ రాసి కొద్దిగా అప్లై చేసి మెల్లిగా మసాజ్ చేయండి. దీంతో స్కాల్ప్‌పై రక్తప్రసరణ పెరుగుతుంది. జుట్టు సమస్యలు దూరమవుతాయి. ఏదైనా ఓ ఆయిల్‌ని కొద్దిగా వేడి చేసి అందులో ఏదైనా ఓ ఎసెన్షియల్ ఆయిల్ కలిపి దాంతో మెల్లిగా మసాజ్ చేయండి. దీంతో జుట్టు సమస్యలు చాలా వరకూ తగ్గుతాయి.

దీంతోపాటు

అదే విధంగా, కెమికల్స్ ఉండే షాంపూ బదులు హెర్బల్, సల్ఫేట్ ఫ్రీ షాంపూ వాడండి. ఎక్కవగా హెయిర్ డ్రైయర్స్, స్టైలింగ్ ప్రోడక్ట్స్, హెయిర్ కలర్స్ వాడకుండా నేచురల్ రెమిడీస్ వాడండి. దీని వల్ల చాలా వరకూ సమస్య తగ్గుతుంది. జుట్టు రాలడం తగ్గి ఒత్తుగా పెరుగుతుంది.