ఒకటే ఆకుతో పిప్పి పన్ను, నోటి దుర్వాసనకు పరిష్కారం

నోటి దుర్వాసనతో ఇబ్బంది పడే వారు కేవలం ఒకే ఒక జామ ఆకుతో సమస్యను పరిష్కరించుకోవచ్చు. ఇప్పుడు చెప్పిన పద్ధతుల్లో వాడితే పిప్పి పన్ను కూడా తగ్గిపోతుంది. జామ ఆకు. దీని గురించి చాలా మందికి తెలిసే ఉంటుంది. చిన్నప్పుడు ముఖ్యంగా 90ల్లో పుట్టిన వారికి ఇదో ఫేవరెట్ స్నాక్. ఎక్కడ జామ చెట్టు కనబడితే అక్కడికి వెళ్లిపోయి, రెండు ఆకులు తెంచి అందులో చింతపండు, చక్కెర, ఉప్పు వేసుకుని తినే వారు. అప్పట్లో ఇన్ స్టంట్ గా తయారు చేసుకున్న చిరు తిండి అది. తరవాత ఈ అలవాటు తగ్గిపోయింది. అయితే..అప్పుడు ఏదో సరదాకి చేసిన ఆ పనే ఆరోగ్యాన్ని అందించింది.

అవును. జామ ఆకుతో నోటి ఆరోగ్యం మెరుగవుతుందని ఇప్పటికే ఎంతో మంది నిపుణులు చెప్పారు. అయితే..ఇప్పుడు ఓ డైటీషియన్ కూడా అదే విషయాన్ని గుర్తు చేశారు. నోటి దుర్వాసనను పోగొట్టడం నుంచి అల్సర్స్, పిప్పి పన్ను సమస్యలకు జామ ఆకు పరిష్కారం చూపిస్తుందని చెప్పారు. మరి జామ ఆకులతో నేచురల్ మౌత్ ఫ్రెష్ నర్ ఎలా తయారు చేసుకోవాలి. ఎలా వాడితే సమస్యలు తగ్గుతాయో చూద్దాం.

జామ ఆకు

​జీర్ణ శక్తిని పెంచడానికి ఉపయోగపడే ఆకులలో జామ కూడా ఒకటి. మెటబాలిజం మెరుగవ్వాలన్నా, డయాబెటిస్ తగ్గాలన్నా, ఇమ్యూనిటీ పెరగాలన్నా అన్నింటికీ జామ ఆకు పరిష్కారం చూపిస్తుంది. వీటిలో యాంటీ బ్యాక్టీరియల్ గుణాలు పుష్కలంగా ఉంటాయి. అంతే కాదు. ఇందులో ఫైబర్ అధికంగా ఉంటుంది. అందుకే జీర్ణ వ్యవస్థను ఆరోగ్యంగా ఉంచడంలో తోడ్పడుతుంది. ఇక ఈ ఆకులలో విటమిన్ సి కూడా పుష్కలంగా ఉండడం వల్ల రోగనిరోధక శక్తి పెరుగుతుంది. స్కిన్ ప్రొడక్ట్స్ లో జామ ఆకుల నుంచి తీసిన రసాన్ని వాడుతుంటారు. ఇన్ని విధాలుగా ఉపయోగపడే ఈ జామ ఆకులు పిప్పి పన్ను, నోటి దుర్వాసనను తగ్గించడంలోనూ ఎంతగానో ఉపయోగపడుతుంది. కాకపోతే వాడే విధానం సరిగ్గా తెలియాలి. మరి ఈ వివరాలేంటో తెలుసుకుందాం.

ఎలా వాడాలి

ముందుగా నాలుగు జామ ఆకులు తీసుకోవాలి. అవి కచ్చితంగా తాజాగా ఉండేలా చూడాలి. మరీ ముదిరిపోయిన ఆకులు అయితే అంత సమర్థంగా పని చేయకపోవచ్చు. తరవాత ఈ ఆకులను శుభ్రం చేయాలి. అవి అలా తడిగా ఉన్నప్పుడు బాగా నూరుకోవాలి. వాటి పిప్పి నుంచి వచ్చే రసాన్ని ప్రత్యేకంగా ఓ గ్లాసులోకి తీసుకోవాలి. లేదా మిక్సీ పట్టినా సరిపోతుంది. పిప్పిని పూర్తిగా వడబోయాలి. తద్వారా వచ్చిన జ్యూస్ ని నోట్లో పోసుకోవాలి. కాసేపటి వరకూ ఈ జ్యూస్ ని అలాగే పట్టి ఉంచాలి. తరవాత పుక్కిలించి ఉమ్మి వేయాలి. ఆయిల్ పుల్లింగ్ చేసినట్టుగానే జామ ఆకుల రసాన్ని పుక్కిలించాలి. ఇలా రోజూ ఉదయం సాయంత్రం చేస్తే నోటి దుర్వాసన అనేదే రాకుండా పోతుంది. అంతే కాదు. క్యావిటీతో ఇబ్బంది పడుతున్న వారూ సమస్య నుంచి బయటపడతారు.

ఇలా కూడా  చేయవచ్చు

అయితే..ఇందాక చెప్పిన పద్ధతిలోనే కాదు. మరి కొన్ని విధాలుగా కూడా జామ ఆకుని వాడవచ్చు. ముందుగా ఓ గిన్నెలో నీళ్లు తీసుకోవాలి. వాటిని బాగా మరిగించాలి. అవి మరుగుతుండగానే రెండు లేదా మూడు జామ ఆకులు అందులో వేయాలి. తరవాత రెండు లవంగాలు కూడా కలపాలి. ఇవి బాగా మరిగాక చివర్లో ఓ చిటికెడు పసుపు కలపాలి. సరైన విధంగా మరిగిన తరవాత స్టవ్ ఆఫ్ చేసి పక్కన పెట్టాలి. ఈ నీటిని వడబోయాలి. అవి కాస్త గోరు వెచ్చగా అయిన తరవాత నోట్లో పోసుకోవాలి. కాసేపటి వరకూ అలాగే ఉంచాలి. తరవాత పుక్కిలించి ఉమ్మి వేయాలి. ఇలా రోజూ రెండు లేదా మూడు సార్లు చేస్తే పిప్పి పన్ను సమస్య తీరిపోతుంది. అదే సమయంలో నోటిలో బ్యాక్టీరియా వల్ల వచ్చే దుర్వాసన కూడా మటుమాయం అవుతుంది.​

మరి కొన్ని విధాలుగా

చాలా మందికి అజీర్తి కారణంగా తచరూ నోట్లో పుండ్లు, పూత వస్తూ ఉంటాయి. ఎన్ని మందులు వేసుకున్నా కొన్ని సార్లు ఇది తగ్గకపోవచ్చు. అలాంటప్పుడు జామ ఆకుతో పరిష్కరించుకోవచ్చు. చిగుళ్ల వాపు, చిగుళ్ల నుంచి రక్తం లాంటి సమస్యలకూ ఇది చెక్ పెడుతుంది. వీటిలో ఉండే యాంటీ మైక్రోబయల్ లక్షణాలు నోట్లో ఉండే బ్యాక్టీరియాని పూర్తిగా తొలగిస్తుంది. పెదాలపై అల్సర్ వస్తే జామ ఆకుని పేస్ట్ లా చేసి ఆ మిశ్రమాన్ని పూతపై పెట్టవచ్చు. ఇలా కూడా సమస్య తగ్గిపోతుంది. లేదా నీటిలో జామ ఆకులు వేసి మరిగించి ఆ నీళ్లతో పుక్కిలించాలి. వీటిలో యాంటీ ఇన్ ఫ్లమేటరీ గుణాలు కూడా ఉండడం వల్ల చిగుళ్ల వాపు క్రమంగా తగ్గుతుంది. అంతే కాదు. దంతాల నొప్పిని కూడా తగ్గించుకోవచ్చు.

నోటి దుర్వాసన

నోటి దుర్వాసన పోవాలంటే మరి కొన్ని జాగ్రత్తలు కూడా తీసుకోవాలి. రోజూ కచ్చితంగా ఉదయం, రాత్రి బ్రష్ చేసుకోవాలి. నాలుకను ఎప్పుడూ శుభ్రంగా ఉంచుకోవాలి. లేదంటే అక్కడే బ్యాక్టీరియా అంతా వచ్చి చేరుతుంది. యాంటీ బ్యాక్టీరియల్ మౌత్ వాష్ వాడడం మంచిది. అప్పుడప్పుడూ బబుల్ గమ్స్ లాంటివి వాడాలి. ఇక భోజనం చేసిన తరవాత లవంగాలు లేదా యాలకులు నోట్లో వేసుకోవాలి. ఇవి నేచురల్ ఫ్రెషనర్స్ గా పని చేస్తాయి. వెల్లుల్లి, ఉల్లిపాయల వల్ల దుర్వాసన పెరిగే అవకాశం ఉంటుంది. అందుకే వీలైనంత వరకూ వీటిని అవాయిడ్ చేయాలి. ఇక ధూమపానం, మద్యపానానికి కూడా తప్పనిసరిగా దూరంగా ఉండాలి.