ఈ అలవాట్లకు దూరంగావుంటే...మీ అందానికి ఉండదు ఢోకా

ప్రస్తుత జీవనశైలి, తిండి అలవాట్లు ఆరోగ్యాన్ని ప్రమాదంలో పడేస్తున్నాయి. ఈ అలవాట్లు ఆరోగ్యానికి మాత్రమే కాదు చర్మాన్ని కూడా దెబ్బతీస్తున్నాయి. అందాన్ని పాడు చేసే అలవాట్లు గురించి న్యూట్రిషనిస్ట్ చెప్పారు.

మీ అందాన్ని డ్యామేజ్ చేసే అలవాట్లు, ముఖం మొటిమలు, మచ్చలు, ముడతలతో నిండిపోతుంది, వెంటనే మానేయండి

చర్మం శరీరంలో చాలా సున్నితమైన, మృదువైన భాగం. ఇక, ముఖం యొక్క చర్మం గురించి ప్రత్యేకంగా చెప్పాల్సినా పనిలేదు. ముఖ చర్మం చాలా మృదువుగా, సున్నితంగా ఉంటుంది. ముఖ చర్మం అందం విషయంలో కీలకపాత్ర పోషిస్తుంది. ఈ రోజుల్లో ప్రతి ఒక్కరూ అందంగా ఉండాలని కోరుకుంటారు. అయితే ప్రస్తుత జీవనశైలి, చెడు ఆహారపు అలవాట్లు కారణంగా ముఖ అందం చెడిపోతుంది. ముఖం మొటిమలు, ముడతలు, మచ్చలతో నిండిపోతుంది. ప్రతి రోజూ చేసే కొన్ని తప్పులు, అలవాట్లు కారణం చర్మానికి హాని కలిగిస్తాయి. కొన్ని తినడం, తాగడం వల్ల చర్మం డ్యామేజ్ అవుతుంది. పోషకాహార నిపుణురాలు లావ్నీత్ బాత్రా అందగాన్ని డ్యామేజ్ చేసే అలవాట్లు గురించి చెప్పారు.

అందాన్ని డ్యామేజ్ చేసే అలవాట్లు

డెయిరీ ప్రొడక్ట్స్ ఎక్కువగా తీసుకోవడం

ఈ రోజుల్లో చాలా మంది మొటిమల సమస్యతో బాధపడుతున్నారు. కొన్ని తిండి అలవాట్ల కారణంగా మొటిమలు ఎక్కువగా వస్తాయని లావ్నీత్ బాత్రా చెబుతున్నారు. డెయిరీ ప్రొడక్ట్స్ ఎక్కువగా తీసుకుంటే ఈ సమస్య వస్తుందని ఆమె చెప్పారు. ప్రతిరోజూ పాలు, పనీర్, జున్ను అధికంగా తీసుకోవడం వల్ల మొటిమలకు కారణమవుతాయి. ఇవి IGF-1 హార్మోన్‌ను పెంచుతాయి. ఇది మొటిమల్ని పెంచుతుంది.

కెఫిన్ తీసుకోవడం

చాలా మందికి ఉదయం లేచిన వెంటనే టీ, కాఫీ తాగడం అలవాటు. ఈ అలవాటు కారణంగా పిగ్మెంటేషన్ వస్తుందని లావ్నీత్ బాత్రా చెప్పారు. టీ లేదా కాఫీని ఎక్కువగా తీసుకోవడం వల్ల ఈ సమస్య వస్తుంది. సాధారణంగా వీటిలో ఉండే కెఫిన్ కారణంగా కార్టిసాల్ పెరుగుతుంది. కార్టిసాల్ అనేది ఒత్తిడి హార్మోన్. దీని వల్ల ఒత్తిడి పెరుగుతుంది. ఇది ఒత్తిడికి కారణమవుతుంది.

లావ్నీత్ బాత్రా చెప్పిన అలవాట్లు

​శీతల పానీయాలు

ఈ రోజుల్లో చాలా మందికి కూల్ డ్రింక్స్ తాగే అలవాటు ఉంది. అంతేకాకుండా ఆల్కహాల్ తాగే అలవాటు కూడా ఉంది. ఈ అలవాట్లు కూడా మీ అందాన్ని డ్యామేజ్ చేస్తున్నాయి. శీతల పానీయాలు, ఆల్కహాల్ ఎక్కువగా తీసుకోవడం వల్ల చర్మం డీహైడ్రేట్ అవుతుంది. ఇది గట్-స్కిన్ కనెక్షన్‌ను దెబ్బతీస్తుంది. చర్మానికి కావాల్సినంత తేమ అందదు. దీంతో, చర్మం పొడిబారుతుంది.

ప్రాసెస్ చేసిన ఫుడ్స్

ప్రాసెస్ ఫుడ్స్, ప్యాక్ చేసిన స్నాక్స్ అధికంగా తీసుకోవడం వల్ల చర్మం పొడిగా, వాపుకు గురవుతుంది. ఈ ఆహారాలలో ఉప్పు, చక్కెర, ట్రాన్స్ ఫ్యాట్‌లు అధికంగా ఉంటాయి. వీటిని తినడం వల్ల చర్మం దెబ్బతింటుంది. ఇక, వేయించిన ఆహారాలు, చక్కెర ఎక్కువగా ఉండే ఫుడ్స్ తీసుకోవడం వల్ల ఇవి AGEలను సృష్టిస్తాయి. ఇవి కొల్లాజెన్‌ను విచ్ఛిన్నం చేస్తాయి. నల్ల మచ్చలు పెరిగేలా చేస్తాయి.

చర్మ ఆరోగ్యం కోసం ఏం తినాలంటే

* కొవ్వు చేపలు: వీటిలో ఒమేగా-3 సమృద్ధిగా ఉంటుంది. ఇది చర్మం పొడిబారడం, మొటిమలను తగ్గిస్తుంది.

* గ్రీన్ టీ: ఇది వాపును తగ్గిస్తుంది. చర్మంపై అదనపు నూనె ఉత్పత్తిని నియంత్రిస్తుంది.

* విటమిన్ సి: ఉసిరి, నారింజ, జామ, కివీ పండ్లలో విటమిన్ సి ఎక్కువగా ఉంటుంది. ఇవి కొల్లాజెన్‌కు మద్దతు ఇస్తాయి.

* జింక్: కాయధాన్యాలు, శనగలు వంటి ఖనిజాలు అధికంగా ఉండే ఆహారాలు తీసుకోవడం వల్ల మొటిమల్ని నయం చేస్తాయి.

* పెరుగు, కంజి: ఈ ఆహారాలు పేగు ఆరోగ్యాన్ని ప్రోత్సహిస్తాయి. శరీరంలో ఇన్ఫ్లమేషన్ స్థాయిల్ని తగ్గిస్తాయి.

* హైడ్రేట్ ఫుడ్స్: దోసకాయ, పుచ్చకాయ, కొబ్బరి నీళ్లు తీసుకోవడం వల్ల చర్మం హైడ్రేట్ అవుతుంది. ఇవి చర్మానికి కావాల్సిన తేమను అందించి.. మెరుపును ప్రోత్సహిస్తాయి.