బెంగళూరు పిలిచినట్టు అనిపించింది.. ఆ ఆకర్షణే నన్ను ఆ దిశగా నడిపించింది.

బెంగళూరులో జీవితంపై ఓ మలయాళీ నెటిజన్ చేసిన పోస్ట్ ప్రస్తుతం సోషల్ మీడియాలో వైరల్‌గా మారింది. బెంగళూరులో నివాసం లవ్ అండ్ హేట్ అనుభూతులతో నిండి ఉందని అతను వివరించాడు.ఈ పోస్ట్‌పై వివిధ సోషల్ మీడియా ప్లాట్‌ఫాంలలో చర్చలు జరుగుతున్నాయి. పలువురు యూజర్లు తమ అభిప్రాయాలను మిక్స్‌డ్‌గా వ్యక్తం చేస్తున్నారు.తన అసలు పేరు వెల్లడించకుండా, ‘రెసిడెంట్ ఆఫ్ కోకోనాడ్’ అనే యూజర్‌నేమ్‌తో ట్విట్టర్ (X) లో పోస్ట్ చేసిన ఆ వ్యక్తి, కేరళలోని కన్నూర్కు చెందిన 26 ఏళ్ల యువకుడు. ప్రస్తుతం బెంగళూరులో ఉద్యోగంలో ఉన్నాడు. అనే టైటిల్‌తో తన అనుభవాలను పంచుకున్న అతను, బెంగళూరులో జీవితం తాను ఊహించిన దానికంటే చాలా విభిన్నంగా ఉందని వెల్లడించాడు.“నాలుగేళ్లుగా ఈ నగరంలో జీవిస్తున్నా. కానీ బెంగళూరు నాకు ఎంతగా ప్రభావం చూపిందో ఇప్పటికీ గ్రహించలేకపోతున్నా. వాతావరణం, ట్రాఫిక్, మానసిక ఒత్తిడి అన్నీ కలగలిసే ఉన్నా... ఏదో ఒక మాయతో ఇది నన్ను ఇక్కడే ఉంచుతోంది,” అని పేర్కొన్నాడు.అతను చెప్పిన ప్రకారం –“ఉదయం తేటతెల్లగా ఉంటుంది. ఎండ చూసి రెయిన్‌కోట్ లేకుండా ఆఫీసుకెళ్తాం. కానీ రెండు నిమిషాల తర్వాత వర్షం అమాంతంగా కురవటం మొదలవుతుంది. ట్రాఫిక్‌ లో తడిసిముద్దవుతాం. ఆ సమయాల్లో నిస్సహాయంగా నిలబడటం తప్ప మరేం చేయలేము.”ఈ రకమైన వాతావరణం అతనిలో అసహనాన్ని కలిగిస్తోందని, అప్పుడప్పుడు కేరళకు తిరిగి వెళ్లాలని అనిపిస్తుందని చెప్పాడు. కానీ కన్నూర్‌కు వెళ్లిన తర్వాత మాత్రం మళ్లీ బెంగళూరును కోల్పోతున్న భావన కలుగుతోందని విన్నవించాడు.“ఇంటికి వెళ్తే అక్కడి సమాజం నన్ను ఓ విఫలమైన వ్యక్తిలా చూస్తుంది. బంధువులు, పొరుగువారు ఎలాంటి ప్రశ్నలు వేసినా ప్రశాంతంగా ఉండలేను. బెంగళూరులో ఉన్నంత స్వేచ్ఛ నాకు అక్కడ లభించదు,” అనివివరించాడు.అంతేకాకుండా,“బెంగళూరులో ఉన్నప్పుడు ఇంటి కోసం అనిపిస్తుంది. కానీ ఇంటికి వెళ్లిన తర్వాత మాత్రం బెంగళూరును పిచ్చిగా మిస్ అవుతాం,” అని పేర్కొన్నాడు.ఇతర నగరాల్లో నివసించిన అనుభవంతో పోలిస్తే, బెంగళూరులో ఈ లవ్-హేట్ అనుభవం ప్రత్యేకమని పేర్కొన్నాడు. అదే ఈ నగరాన్ని తనకు ప్రత్యేకంగా చేస్తోందని అన్నాడు.మలయాళీ జనాభా ఎక్కువగా ఉండటం, కేరళ ఫుడ్ అందించే రెస్టారెంట్లు లభ్యత కూడా అతన్ని ఇంకొకరు పేర్కొన్నట్లు, “ఇక్కడి వాతావరణానికి అలవాటైన తర్వాత 25 డిగ్రీల ఎండను కూడా తట్టుకోలేకపోతున్నాం. ఇంటికి వెళ్లినప్పుడు ఓవెన్‌లో ఉన్నట్లు అనిపిస్తుంది,” అంటూ హాస్యంగా స్పందించారు.“ఇక్కడి ట్రాఫిక్ సమస్యలు అసహనంగా మారాయి. రోజూ జామ్‌లలో ఇరుక్కోవాల్సి వస్తుంది. దాంతో రోజూ విలువైన సమయం వృథా అవుతుంది,” అని గుర్తు చేశారు.