Ind vs SA: “మోర్నీ ఇప్పుడు మాకు శత్రువు” – గ్రేమ్ స్మిత్ కామెంట్స్
sports | Suryaa Desk | Published : Wed, Nov 12, 2025, 09:19 PM
టీమిండియాతో రెండు టెస్టు సిరీస్లో భాగంగా సౌతాఫ్రికా జట్టు భారత పర్యటనకు వచ్చింది. నవంబర్ 14 నుంచి ఈ సిరీస్ ప్రారంభం కానుంది.తొలి మ్యాచ్ కోల్కతాలోని ఈడెన్ గార్డెన్స్లో, రెండో మ్యాచ్ గువాహటిలో జరగనుంది. ప్రస్తుత ప్రపంచ టెస్టు ఛాంపియన్ సఫారీ సేన.. గత 15 ఏళ్లుగా భారత గడ్డపై ఒక్క టెస్టు కూడా గెలవలేకపోయింది. ఈ సారి ఈ ట్రాక్పై విజయాన్ని సాధించాలని వారు ఆశిస్తున్నారు.ఈ నేపథ్యంలో బుధవారం ముంబైలో జరిగిన SA20 ఇండియా డే కార్యక్రమంలో సౌతాఫ్రికా మాజీ కెప్టెన్ గ్రేమ్ స్మిత్ మాట్లాడుతూ,“కోల్కతా ఈడెన్ గార్డెన్స్ మంచి గ్రౌండ్. మా జట్టులో ఉన్న ప్రధాన స్పిన్నర్లు కేశవ్ మహరాజ్, ముత్తుస్వామి ఎంతో ప్రతిభావంతులు. పేసర్లు కగిసో రబాడా, మార్కో యాన్సెస్, ఆల్రౌండర్ కోర్బిన్ బాష్లతో పాటు వీరిద్దరి స్పిన్ ద్వయం భారత బ్యాట్స్మెన్కి పెద్ద సవాలు అవుతుంది. టెస్టు విజయానికి 20 వికెట్లు పడగొట్టడం కీలకం. మా టీమ్పై నాకు నమ్మకం ఉంది” అన్నారు.భారత బౌలింగ్ కోచ్గా ఉన్న అతని మాజీ సహచరుడు మోర్నీ మోర్కెల్ గురించి అడగగానే, “మోర్నీ ఇప్పుడు మాకు శత్రువు” అని చమత్కరించారు.సౌతాఫ్రికా టీమ్ మాజీ ప్లేయర్ ఫాఫ్ డుప్లెసిస్ కూడా ఈ కార్యక్రమంలో హాజరయ్యారు. “గత ఏడాది మా జట్టు అద్భుతంగా ఆడింది. ఈ టెస్టు సిరీస్లో సౌతాఫ్రికాకు శుభారంభం కావాలి. రెండు మ్యాచ్లు మాత్రమే ఉండటం కొంత దురదృష్టం. కనీసం మూడు మ్యాచ్లు ఉండేలా షెడ్యూల్ రూపొందిస్తే బాగుంటుంది” అని ఆయన అభిప్రాయం వ్యక్తం చేశారు.
|
|